തിരുവല്ല : മാരാമൺ കൺവെൻഷനിൽ പങ്കെടുക്കാനെത്തിയ മൂന്നു പേരെ പമ്പയാറ്റിൽ കാണാതായി. ആറന്മുളയിൽ പരപ്പുഴ കടവിലാണ് അപകടം ഉണ്ടായത്. ചെട്ടികുളങ്ങര കണ്ണമംഗലം സ്വദേശികളായ എബിൻ, മെറിൻ, മെഫിൻ എന്നിവരെയാണ് കാണാതായത്. രണ്ടുപേരുടെ മൃതദേഹം കണ്ടെടുത്തു. മൂന്നാമത്തെ ആളിനു വേണ്ടിയുള്ള തെരച്ചിൽ നടക്കുന്നു. വൈകുന്നേരം മൂന്നരയോടെ മാരാമൺ കൺവെൻഷനിൽ പങ്കെടുത്ത ശേഷമാണ് എട്ടംഗ സംഘം പമ്പയാറ്റിൽ കുളിക്കാനിറങ്ങിയത്. ഒരാൾ ആഴത്തിലേക്ക് വീഴുന്നതു കണ്ട് മറ്റു രണ്ടുപേർ രക്ഷപ്പെടുത്താനായി ഇറങ്ങിയപ്പോഴാണ് അപകടം ഉണ്ടായത്. ഒപ്പമുണ്ടായിരുന്ന അഞ്ചുപേർ കരയ്ക്കെത്തി നാട്ടുകാരെ വിവരം അറിയിക്കുകയായിരുന്നു. ഫയർ ഫോഴ്സിൻ്റെയും നാട്ടുകാരുടെയും നേതൃത്വത്തിലാണ് തെരച്ചിൽ തുടരുന്നത്.
Advertisements
