കോട്ടയം: സ്‌കൂൾ വിദ്യാർത്ഥികൾക്ക് ട്രാഫിക് അവബോധ ക്ലാസുമായി ജാഗ്രതാ ന്യൂസ് ലൈവ് വീണ്ടും മോട്ടോർ വാഹന വകുപ്പുമായി കൈകോർക്കുന്നു. ജാഗ്രതാ ന്യൂസ് ലൈവിന്റെ പബ്ലിക്ക് റിലേഷൻ സാമൂഹിക അവബോധ വിഭാഗമായ സ്പാർക്ക് മീഡിയ സൊലൂഷ്യൻസിന്റെ നേതൃത്വത്തിലാണ് ക്ലാസ് സംഘടിപ്പിക്കുന്നത്. ഫെബ്രുവരി 24 വെള്ളിയാഴ്ച കുമാരനല്ലൂർ ദേവീവിലാസം ഹയർസെക്കൻഡറി സ്‌കൂളിൽ ഉച്ചയ്ക്ക് ഒന്നരയ്ക്കാണ് ക്ലാസ് സംഘടിപ്പിക്കുന്നത്. മോട്ടോർ വാഹന വകുപ്പിലെ എൻഫോഴ്‌സ്‌മെന്റ് വിഭാഗം മോട്ടോർ വെഹിക്കിൾ ഇൻസെപ്കടർ ആശാകുമാർ സ്‌കൂൾ വിദ്യാർത്ഥികൾക്ക് ക്ലാസെടുക്കും. മോട്ടോർ വെഹിക്കിൾ ഇൻസെപ്ക്ടർ ജോർജ് ക്ലാസ് ഉദ്ഘാടനം ചെയ്യും. സുജിത്ത് സെബാസ്റ്റിയൻ ആശംസ അർപ്പിക്കും. കുമാരനല്ലൂർ ദേവീവിലാസം സ്‌കൂൾ ഹെഡ്മിസ്ട്രസ് കെ.എൻ സുധാകുമാരി അധ്യക്ഷത വഹിക്കും. ജാഗ്രതാ ന്യൂസ് ലൈവിനൊപ്പം തെള്ളകം മാതാ ആശുപത്രിയും, ബൈജൂസ് ട്യൂഷൻ സെന്ററും, അഭയ ഫ്യൂണറൽ സർവീസും ചേർന്നാണ് ക്ലാസ് സ്‌പോൺസർ ചെയ്യുന്നത്.
സ്‌കൂൾ വിദ്യാർത്ഥികൾക്ക് ട്രാഫിക് അവബോധ ക്ലാസുമായി ജാഗ്രതാ ന്യൂസ് ലൈവ്; ജാഗ്രതാ ന്യൂസ് ലൈവും മോട്ടോർ വാഹന വകുപ്പും ചേർന്നു നടത്തുന്ന ക്ലാസിൽ പങ്കാളികളായി മാതാ ആശുപത്രിയും ബൈജൂസ് ട്യൂഷൻ സെന്ററും അഭയ ഫ്യൂണറൽ സർവീസും; ക്ലാസ് നടക്കുക ഫെബ്രുവരി 24 വെള്ളിയാഴ്ച കുമാരനല്ലൂർ ദേവീവിലാസം സ്‌കൂളിൽ
