കോട്ടയം: ചെന്നൈയിൽ നടക്കുന്ന മുസ്ലീം ലീഗ് പ്ലാറ്റിനം ജൂബിലി ആഘോഷത്തോടനുബന്ധിച്ച് കോട്ടയം തിരുനക്കര മൈതാനത്ത് മുസ്ലീം ലീഗ് കോട്ടയം നിയോജക മണ്ഡലം കമ്മിറ്റിയുടെ നേതൃത്വത്തിൽ 75 ബലൂണുകൾ ഉയർത്തി. നഗരത്തിന് വ്യത്യസ്തമായ അനുഭവം പകർന്ന ചടങ്ങിൽ അൻപതോളം പാർട്ടി പ്രവർത്തകർ പങ്കെടുത്തു. ഈരാറ്റുപേട്ട നഗരസഭ സ്റ്റാൻഡിംങ് കമ്മിറ്റ് ചെയർമാൻ പി.എം അബ്ദുൾ ഖാദർ ചടങ്ങ് ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് പ്രഫ.ഷാവാസ് ഷെരീഫ് അധ്യക്ഷത വഹിച്ചു. ജനറൽ സെക്രട്ടറി മുഹമ്മദ് റഫീഖ് ഹാജി സ്വാഗതം പറഞ്ഞു. കർഷക സംഘം സംസ്ഥാന സെക്രട്ടറി പി.പി മുഹമ്മദ് കുട്ടി മുഖ്യപ്രഭാഷണം നടത്തി. ജില്ലാ സെക്രട്ടറി ഫാറൂക്ക് പാലപ്പറമ്പിൽ, ഹാജി കെ.കെ കൊച്ചുണ്ണി, കെ.എം കാസിംഹാജി, ടി.എം ശരീഫ്, കെ.പി മുഹമ്മദ് കുട്ടി, ഷാഹുൽ ഹമീദ്, സൈദ് ഇസ്മായിൽ, ഹുസൈൻ, സോമൻ പുതിയാത്ത്, കെ.എ ഷാനവാസ്, ഹുമയൂൺ കബീർ, അമീൻ ഷാ, ബഷീർ, മുഹിയദ്ദീൻ , സഫർ, സികെ അഷറഫ്, ഹനീഫ വി.പി എന്നിവർ പ്രസംഗിച്ചു. ഷാബു പി. ഹംസ റൂബി നന്ദി പറഞ്ഞു.
