കോട്ടയം: പൊൻകുന്നത്ത് കാറിൽ സഞ്ചരിക്കുകയായിരുന്ന യുവാവിനെ ആക്രമിച്ച കേസിൽ രണ്ടുപേരെ പോലീസ് അറസ്റ്റ് ചെയ്തു. നിലക്കൽ അട്ടത്തോട് കൊന്നമൂട്ടിൽ വീട്ടിൽ മഹേഷ് കെ. എം (24), ഇയാളുടെ സഹോദരനായ മനു കെ.എം(22) എന്നിവരെയാണ് പൊൻകുന്നം പോലീസ് അറസ്റ്റ് ചെയ്തത്. ഇവർ ഇരുവരും ചേർന്ന് പത്താം തീയതി രാത്രിയോടുകൂടിയായിരുന്നു സംഭവം. ചിറക്കടവ് വടക്കുംഭാഗം ഭാഗത്ത് വച്ച് കാറിൽ വരികയായിരുന്ന യുവാവിനെ ബൈക്കിൽ സഞ്ചരിക്കുകയായിരുന്ന ഇവർ ചീത്ത വിളിച്ചു.
തുടർന്ന് വാഹനം നിർത്തി യുവാവ് ഇവരോട് ചീത്ത വിളിച്ചതിനെ ചോദ്യം ചെയ്യുകയും, ഇവർ കയ്യിലിരുന്ന ഹെൽമെറ്റ് കൊണ്ട് യുവാവിനെ ആക്രമിക്കുകയുമായിരുന്നു. ഇത് കണ്ട് സമീപവാസികൾ എത്തുമ്പോഴേക്കും ഇവർ ബൈക്കിൽ കടന്നു കളയുകയും ചെയ്തു.ഇവരുടെ ആക്രമണത്തിൽ യുവാവിന്റെ മുഖത്തെ അസ്ഥികൾക്ക് പൊട്ടൽ സംഭവിക്കുകയായിരുന്നു. പരാതിയെ തുടർന്ന് പൊൻകുന്നം പോലീസ് കേസ് രജിസ്റ്റർ ചെയ്യുകയും ഇരുവരെയും പിടികൂടുകയുമായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പൊൻകുന്നം സ്റ്റേഷൻ എസ്.എച്ച്.ഓ രാജേഷ് എൻ, എസ്.ഐ അഭിലാഷ് എം.ഡി, നിസാർ റ്റി.എച്ച്, എ.എസ്.ഐ അഭിലാഷ് പി. റ്റി, സി.പി.ഓ ലേഖ എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.
