പാമ്പാടി: കോട്ടയം-കുമളി ദേശീയ പാതയിൽ അമിതവേഗതയിലെത്തിയ കാർ ഓട്ടോറിക്ഷ ഇടിച്ചു തെറിപ്പിച്ചു. അപകടത്തിൽ ഓട്ടോ ഡ്രൈവർ മീനടം സ്വദേശി വിവേകിന് (32) ഗുരുതരമായി പരിക്കേറ്റു. അപകടത്തെ തുടർന്ന് കാറിൽ ഉണ്ടായിരുന്നവർ ഓടി രക്ഷപെട്ടു. ഞായറാഴ്ച രാത്രി ഒൻപത് മണിയോടെ പാമ്പാടി എം.ജി.എം. കവലയിലായിരുന്നു അപകടം.
Advertisements
അപകടത്തെത്തുടർന്ന് ഓടിയെത്തിയ നാട്ടുകാരാണ് പരിക്കേറ്റ ഓട്ടോ ഡ്രൈവറെ പാമ്പാടി താലൂക്കാശുപത്രിയിലെത്തിച്ചത്.കാർ അമിതവേഗതയിലായിരുന്നുവെന്ന് നാട്ടുകാർ ആരോപിച്ചു. പരിക്ക് ഗുരുതരമായതിനെതുടർന്ന് ഇയാളെ പിന്നീട് കോട്ടയം മെഡിക്കൽ കോളേജ് ആശുപത്രിയിലേയ്ക്ക് മാറ്റി. അപകടത്തെതുടർന്ന് ദേശീയ പാതയിൽ ഏറെനേരം ഗതാഗതം തടസപ്പെട്ടു. പാമ്പാടി പോലീസ് സ്ഥലത്തെത്തി.
