കോട്ടയം : എം സി റോഡിൽ നാലു വരിപ്പാതയിൽ മണിപ്പുഴ നിയന്ത്രണം നഷ്ടമായ കാർ ബൈക്കിലിടിച്ച് ഒരാൾക്ക് പരിക്ക്. ബൈക്ക് യാത്രക്കാരനാണ് അപകടത്തിൽ പരിക്കേറ്റത്. നാലുവരിപ്പാതയിൽ പാർക്കിന് മുന്നിലായിരുന്നു അപകടം. കോട്ടയം ഭാഗത്ത് നിന്നും എത്തിയ കാർ പാർക്കിനു മുന്നിൽ യൂടേൺ എടുക്കുന്നതിനിടെ നിയന്ത്രണം നഷ്ടമായി മണിപ്പുഴ ഭാഗത്തുനിന്നും എത്തിയ ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് യാത്രക്കാരൻ റോഡിൽ തെറിച്ചു വീണു. ഓടിക്കൂടിയ നാട്ടുകാർ ചേർന്ന് പരിക്കേറ്റ യാത്രക്കാരനെ ആശുപത്രിയിൽ എത്തിച്ചത്. അപകടത്തെ തുടർന്ന് എം സി റോഡിൽ ഗതാഗതം തടസപ്പെട്ടു.
Advertisements
