ദഹനപ്രശ്നങ്ങൾ പലപ്പോഴും നമ്മൾ കഴിക്കുന്ന ഭക്ഷണവുമായി ബന്ധപ്പെട്ടിരിക്കുന്നു. മോശം കുടലിന്റെ ആരോഗ്യം വയറുമായി ബന്ധപ്പെട്ട വിവിധ ആരോഗ്യ പ്രശ്‌നങ്ങൾക്ക് കാരണമാകുന്നു. ശരീരത്തിനാവശ്യമായ പോഷകങ്ങൾ ഭക്ഷണത്തിൽ നിന്ന് സ്വീകരിക്കാൻ കുടൽ ആരോഗ്യത്തോടെയിരിക്കണം.
കുടലിന്റെ ആരോഗ്യം മെച്ചപ്പെടുത്തിയാൽ ശരീരത്തിന്റെ പല അസുഖങ്ങൾക്കുമുള്ള പരിഹാരമാകും. കുടലിലെ നല്ല ബാക്ടീരിയകളാണ് ദഹനം ശരിയായി നടത്തുക ചെയ്യുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തെറ്റായ ജീവിത ശൈലിയാണ് കുടൽ പ്രശ്‌നങ്ങൾക്ക് പ്രധാന കാരണം. മാത്രമല്ല പുളിപ്പിച്ചതും നാരുകളുള്ളതുമായ ഭക്ഷണങ്ങൾ പോലുള്ള ചില ഭക്ഷണങ്ങൾ കഴിക്കുന്നതിലൂടെ ദഹനപ്രശ്നങ്ങളുടെ ലക്ഷണങ്ങൾ ലഘൂകരിക്കാനാകും.
കുടലിന്റെ ആരോഗ്യത്തിനായി കഴിക്കാം ഈ ഭക്ഷണങ്ങൾ നമുക്ക് ശീലമാക്കാം.
തവിടു കളയാത്ത ധാന്യങ്ങളിൽ നാരുകളുടെ അംശം കൂടുതലാണ്. വയറിന്റെ ആരോഗ്യത്തിനും തടി കുറയാനും നാരുകൾ സഹായിക്കുന്നു. ആരോഗ്യകരമായ കാർബണുകൾ, ഫൈബർ, വിറ്റാമിനുകൾ, ധാതുക്കൾ എന്നിവ ധാന്യങ്ങളിൽ അടങ്ങിയിട്ടുണ്ട്.
തൈരിൽ ലാക്റ്റിക് ആസിഡ് ബാക്ടീരിയ അടങ്ങിയിട്ടുണ്ട്. ഇത് ആരോഗ്യകരമായ കുടലിന് നല്ലതാണ്. ആരോഗ്യകരമായ ബാക്ടീരിയകളാൽ സമ്പുഷ്ടമാണ്. ഇത് പ്രോബയോട്ടിക്സിന്റെ നല്ല ഘടകമാക്കുന്നു. തൈര് കഴിക്കുന്നത് ഭക്ഷണം ദഹിപ്പിക്കാനും വയറുവേദന, ഗ്യാസ് എന്നിവയിൽ നിന്ന് ആശ്വാസം നൽകാനും സഹായിക്കും.
ഇലക്കറികൾ നാരുകളുടെ മികച്ച ഉറവിടങ്ങളാണ്. ഇത് നല്ല കുടലിന്റെ ആരോഗ്യം പ്രോത്സാഹിപ്പിക്കുന്നു. സാലഡിൽ ചീര ചേർത്ത് ചേർക്കാം. നിങ്ങളുടെ ഭക്ഷണത്തിൽ കൂടുതൽ ഇലക്കറികൾ ഉൾപ്പെടുത്താൻ ചീര ഉൾപ്പെടുത്തി കൊണ്ടുള്ള വിഭവങ്ങൾ തയ്യാറാക്കുക.
ചിയ വിത്തുകൾ ഫൈബറും പ്രോബയോട്ടിക്സും അടങ്ങിയതാണ്. ഇത് നമ്മുടെ കുടലിൽ നല്ല ബാക്ടീരിയകളുടെ വളർച്ചയെ പ്രോത്സാഹിപ്പിക്കുകയും ആരോഗ്യകരമായ ദഹനത്തിന് കാരണമാകുകയും ചെയ്യുന്നു. ചിയ വിത്തുകൾ വെള്ളത്തിൽ കുതിർത്തത് ദിവസവും കഴിക്കുന്നത് ദഹന ആരോഗ്യത്തിന് ഗുണം ചെയ്യും.
ഭക്ഷണത്തിൽ ഫ്രക്ടോസ് കുറവുള്ള പഴങ്ങൾ ഉൾപ്പെടുത്തുക. കാരണം ഫ്രക്ടോസ് പഴങ്ങളിൽ കാണപ്പെടുന്ന ഒരു പഞ്ചസാരയാണ്. ആപ്പിൾ, പിയർ, മാമ്പഴം തുടങ്ങിയ ചില പഴങ്ങളിൽ ഉയർന്ന അളവിൽ ഫ്രക്ടോസ് അടങ്ങിയിട്ടുണ്ട്. ബ്ലൂബെറി, ഓറഞ്ച്, സ്ട്രോബെറി തുടങ്ങിയ സിട്രസ് പഴങ്ങളിലും സരസഫലങ്ങളിലും ഫ്രക്ടോസ് കുറവാണ്.
