കോട്ടയം: കുറിച്ചിയിൽ അമിത വേഗത്തിലെത്തിയ വാഹനം ബൈക്ക് യാത്രക്കാരായ ദമ്പതിമാരെ ഇടിച്ചു വീഴ്ത്തിയ ശേഷം അമിത വേഗത്തിൽ ഓടിച്ചു പോയി. ബൈക്ക് യാത്രക്കാരായ കുറിച്ചി നെടുമ്പറമ്പിൽ ലാലു (52), ഉഷ (50) എന്നിവരെയാണ് പരിക്കുകളോടെ കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചത്. ഇവരെ ഇടിച്ചു വീഴ്ത്തിയ വാഹനം ഇനിയും കണ്ടെത്താൻ സാധിച്ചില്ല. വെള്ളിയാഴ്ച വൈകിട്ട് ഏഴു മണിയോടെയായിരുന്നു സംഭവം. ഇരുവരും സഞ്ചരിച്ചിരുന്ന ബൈക്കിൽ നിയന്ത്രണം നഷ്ടമായെത്തിയ വാഹനം ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ ഇരുവരും തെറിച്ചു വീണെങ്കിലും വാഹനം അമിത വേഗത്തിൽ ഓടിച്ചു പോയി. നാട്ടുകാർ ചേർന്നാണ് പരിക്കേറ്റവരെ ആശുപത്രിയിൽ എത്തിച്ചത്. ലാലുവിന്റെ ഇടത് കാൽ ഒടിഞ്ഞു. ഉഷയ്ക്ക് തലയ്ക്കാണ് പരിക്കേറ്റത്.
Advertisements
