കയർ പിരിച്ചും മൺപാത്രമുണ്ടാക്കിയും ഷെർപ്പകൾ;ഉത്തരവാദിത്ത ടൂറിസം ലോകത്തിന്റെ നിറുകയിൽ

കുമരകം :അനുഭവവേദ്യ ടൂറിസത്തിന്റെ പുത്തൻ സാധ്യതകൾ ജി 20 ഷെർപ്പകൾക്കായി ഒരുക്കി ഉത്തരവാദിത്ത ടൂറിസം മിഷൻ.

കേരളീയ ഗ്രാമീണ ജീവിതത്തിന്റെ അനുഭവങ്ങളാണ് ഉത്തരവാദിത്ത ടൂറിസം മിഷൻ ഒരുക്കിയത്.
കൈത്തറി നെയ്ത്ത്, ഓല മെടയൽ, മൺപാത്രനിർമ്മാണം, തഴപ്പായ നെയ്ത്തും മൂല്യ വർദ്ധിത ഉത്പന്നങ്ങളും , കയർ പിരിത്തം,ചായ വള്ളം,
പഴക്കൂടകളും കരിക്കും പച്ചക്കറിയും നിറച്ച വള്ളങ്ങൾ, കളമെഴുത്ത് എന്നിങ്ങനെ കാഴ്ചയുടെയും
കൈത്തൊഴിലുകളുടെയും വർണ്ണ പ്രപഞ്ചമാണ് ഉത്തരവാദിത്ത ടൂറിസം മിഷൻ കോക്കനട്ട് ലഗൂൺ റിസോർട്ടിൽ തയ്യാറാക്കിയത്.

കയർ പിരിച്ചും മൺപാത്രമുണ്ടാക്കിയും ഷെർപ്പകൾ ഒപ്പം ചേർന്നതോടെ അത് ഉത്തരവാദിത്ത ടൂറിസത്തിന്റെ പ്രാധാന്യം ലോകത്തിന് മുന്നിലേക്കെത്തുന്ന അസുലഭ സന്ദർഭമായി.

ടൂറിസം ഡയറക്ടർ പി.ബി. നൂഹ് ഐ എ എസ് , സംസ്ഥാന ഉത്തരവാദിത്ത ടൂറിസം മിഷൻ കോ ഓർഡി നേറ്റർ കെ. രൂപേഷ് കുമാർ , ടൂറിസം ജോ. ഡയറക്ടർ അഭിലാഷ് കുമാർ , ജില്ലാ കോ ഓർഡിനേറ്റർ ഭഗത് സിംഗ് വി എസ് എന്നിവർ പ്രവർത്തനങ്ങൾക്ക് നേരിട്ട് നേതൃത്വം നൽകി.