കൊച്ചി: അവധിക്കാലത്ത് ബന്ധുവീട്ടീൽ വിരുന്നിനെത്തിയ മൂന്നു കുട്ടികൾ പറവൂർ തട്ടുകടവ് പുഴയിൽ മുങ്ങി മരിച്ചു.
Advertisements
ശ്രീവേദ (10), അഭിനവ് (13), ശ്രീരാഗ് (13) എന്നിവരാണ് മരിച്ചത്. മൂന്നു പേരുടെയും മൃതദേഹം ഇന്നലെ രാത്രിയോടെ കണ്ടെടുത്തു.
മുങ്ങൽ വിദഗ്ധരുടെ സഹായത്തോടെയായിരുന്നു തെരച്ചിൽ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നാലും അഞ്ചും ക്ലാസുകളില്‍ പഠിക്കുന്ന കുട്ടികളാണ് മരിച്ചത്. ബന്ധുവീട്ടില്‍ താമസിക്കാനെത്തിയ കുട്ടികള്‍ ഉച്ചയോടെ തിരിച്ചുവന്നു പുഴയിലേക്ക് പോവുകയായിരുന്നു.
എന്നാൽ ഏറെ നേരമായിട്ടും കുട്ടികള്‍ തിരിച്ചെത്താത്തതിനെത്തുടര്‍ന്ന് വീട്ടുകാരും നാട്ടുകാരും അന്വേഷിച്ചപ്പോള്‍ പുഴക്കരയില്‍ കുട്ടികളുടെ സൈക്കിളും വസ്ത്രങ്ങളും കണ്ടെത്തി.
തുടര്‍ന്ന് നടത്തിയ തെരച്ചിലിൽ രാത്രി ഏഴേമുക്കാലോടെ ആദ്യ മൃതദേഹം കണ്ടെത്തി. രാത്രി 11 മണിയോടെയാണ് അവസാനത്തെ മൃതദേഹവും കണ്ടെത്തിയത്.
