കോട്ടയം: മണർകാട് കെ കെ റോഡിൽ അങ്ങാടി വയലിൽ സ്കൂട്ടറിൽ യാത്ര ചെയ്യുകയായിരുന്ന ഹോട്ടൽ ജീവനക്കാരനെ ഇടിച്ചു വീഴ്ത്തിയ ശേഷം ബൈക്ക് അമിത വേഗത്തിൽ ഓടിച്ചു പോയി. പാമ്പാടിയിൽ വാടകയ്ക്കു താമസിക്കുന്ന പെരുമ്പായിക്കാട് ചാരംകുളങ്ങരയിൽ കെ.ഷൈജുവിനാണ് പരിക്കേറ്റത്. തിങ്കളാഴ്ച രാവിലെ എട്ടു മണിയോടെയായിരുന്നു സംഭവം. മണർകാട് ആര്യ സൽക്കാര ഹോട്ടലിലെ ജീവനക്കാരനായിരുന്നു ഇദ്ദേഹം.
Advertisements
ജോലിയ്ക്കായി ഹോട്ടലിലേയ്ക്കു വരുന്നതിനിടെ ഹോട്ടലിന്റെ മുന്നിൽ വച്ച് പിന്നിൽ നിന്നും എത്തിയ ബൈക്ക് ഇദ്ദേഹം സഞ്ചരിച്ച സ്കൂട്ടറിൽ ഇടിച്ചു വീഴ്ത്തിയ ശേഷം രക്ഷപെടുകയായിരുന്നു. അപകടത്തിൽ ഇദ്ദേഹത്തിന്റെ കൈയ്ക്കു സാരമായി പരിക്കേറ്റു. സംഭവത്തിൽ മണർകാട് പൊലീസിൽ പരാതി നൽകി.
