കോട്ടയം : മണിപ്പുഴ ഇരയിൽ കടവ് റോഡിൽ വീണ്ടും അപകടം. അമിത വേഗത്തിൽ എത്തിയ ആഡംബരകാറായ ഫോർച്യൂണർ ബൈക്ക് യാത്രക്കാരെ ഇടിച്ചു വീഴ്ത്തുകയായിരുന്നു. അപകടത്തിൽ സാരമായി പരിക്കേറ്റ എരുമേലി സ്വദേശി ആദർശ് , കറുകച്ചാൽ സ്വദേശി മിന്നു എന്നിവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ശനിയാഴ്ച രാത്രി എട്ടരയോടെ കോട്ടയം ഈരയിൽ കടവ് ബൈപ്പാസ് റോഡിന്റെ മധ്യഭാഗത്തായാണ് അപകടം ഉണ്ടായത്. ഇരയിൽ കടവും ഭാഗത്തുനിന്നും എത്തിയ ഫോർച്യൂണർ കാർ എതിർ ദിശയിൽ നിന്നും എത്തിയ ബൈക്ക് യാത്രക്കാരെ ഇടിച്ചുതെറിപ്പിക്കുകയായിരുന്നു. അപകട ശേഷം കാർ നിർത്താതെ ഓടിച്ച് പോയി. പരിക്കേറ്റവരെ ഇതുവഴിയെത്തിയ യാത്രക്കാരാണ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അമിത വേഗത്തിൽ പോയ കാറിന്റെ മുൻഭാഗത്ത് നിന്ന് അസ്വാഭാവികമായ ശബ്ദം ഉണ്ടായതായി ദൃക്സാക്ഷികൾ പറഞ്ഞു. ഈ കാർ കടുവാക്കുളം ഭാഗത്ത് കൂടി പോകുന്നത് കണ്ടതായി പ്രദേശവാസികളായ യുവാക്കളും പറഞ്ഞു.
