കുമരകം: സിപിഎം കൊച്ചിടവട്ടം ബ്രാഞ്ചിന്റെയും ഡിവൈഎഫ്ഐ കൊച്ചിടവട്ടംയൂണിറ്റിന്റെയും സംയുക്ത ആഭിമുഖ്യത്തിൽ കുമരകത്ത് വച്ച് നടന്ന വിദ്യാഭ്യാസ അവാർഡ് ദാനവും, പഠനോപകരണ വിതരണവും ജില്ലാ പഞ്ചായത്ത് പ്രസിഡൻ്റ് കെ.വി ബിന്ദു ഉദ്ഘാടനം ചെയ്തു. എക്സൈസ് സ്പെഷ്യൽ സ്ക്വാഡ് സി വിൽ എക്സൈസ് ഓഫീസർ നിഫി ജേക്കബ് വിമുക്തി – മോട്ടിവേഷൻ ക്ലാസ്സ് നയിച്ചു. എസ്എസ്എൽസി , +2 പരീക്ഷകളിൽ ഉന്നതവിജയം വരിച്ച കുട്ടികളെ ജില്ലാ പഞ്ചായത്ത് പ്രസിഡന്റ് ആദരിച്ചു.
വിദ്യാർത്ഥികൾക്ക് പഠനോ പകരണ വിതരണവും നടത്തി. സിപിഎം ലോക്കൽ കമ്മറ്റിയംഗം കെ എൻ പ്രസാദ്, സിപിഎം മാർക്കറ്റ് ബ്രാഞ്ച് സെക്രട്ടറി കെ.ജി ബിനു, ഡിവൈഎഫ്ഐ മേഖലാ സെക്രട്ടറി കെ ആർ അഖിൽ എന്നിവർ ആശംസകൾ അർപ്പിച്ച് സംസാരിച്ചു.യൂണിറ്റ് പ്രസിഡന്റ് നിബിൻ ഷാജി അദ്ധ്യക്ഷത വഹിച്ചു . കൊച്ചി ട വ ട്ടം ബ്രാഞ്ച് സെക്രട്ടറി കെ.ആർ രാജേഷ് സ്വഗതവും, വിജേഷ് വിജയൻ നന്ദിയും പറഞ്ഞു.
