കോട്ടയം : നഗമധ്യത്തിൽ വീണ്ടും അതിക്രമവുമായി ഡ്രാക്കുള ബാബു. ഒപ്പം നടന്നിരുന്ന ഭാര്യയായ സ്ത്രീയെ വെട്ടിപ്പരിക്കൽപ്പിച്ചാണ് ഡ്രാക്കുള ബാബു വീണ്ടും വിവാദത്തിൽ നിറഞ്ഞത്. കോട്ടയം മലയാള മനോരമ ജംഗ്ഷനിൽ വെള്ളിയാഴ്ച അർദ്ധരാത്രിക്ക് ശേഷമായിരുന്നു അക്രമ സംഭവങ്ങൾ. ഡ്രാക്കുള ബാബുവിന്റെ ആക്രമണത്തിൽ പരിക്കേറ്റ പനച്ചിക്കാട് പഞ്ചായത്ത് മല വേടർ കോളനിയിൽ ബിന്ദുവിനെ ആശുപത്രിയിൽ പ്രവേശിപ്പിച്ചു. തിരുനക്കര ഉത്സവത്തിന് ആലിനു മുകളിൽ തൂങ്ങിയാടി വൈറലായ ബാബുവിനെതിരെ നേരത്തെ പോലീസ് കാപ്പാ ചുമത്തിയിരുന്നു.
പോലീസ് കാപ്പ ചുമത്തി നാടുകടത്തിയ ബാബു, വിലക്ക് ലംഘിച്ച് ജില്ലയിൽ പ്രവേശിച്ചതിനെ തുടർന്ന് ഇയാളെ പോലീസ് കരുതൽ തടങ്കലിൽ ആക്കിയിരുന്നു. ഇതിനുശേഷം പുറത്തിറങ്ങിയ ബാബു കോട്ടയം നഗരത്തിൽ എത്തുകയായിരുന്നു. ബാബുവും ബിന്ദുവും കോട്ടയം നഗരത്തിലെ കടത്തിണ്ണകളിലാണ് താമസിച്ചിരുന്നത്. ബാബു ജയിലിൽ കഴിഞ്ഞിരുന്ന സമയത്ത് ബിന്ദു മറ്റൊരാൾക്കൊപ്പം കഴിഞ്ഞതാണ് ആക്രമണത്തിന് കാരണമായത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതേ ചൊല്ലി ഉണ്ടായ തർക്കത്തിന് ഒടുവിൽ ബിന്ദുവിനെ ബാബു വെട്ടി പരിക്കേൽപ്പിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ ബിന്ദുവിനെ ആശുപത്രിയിൽ പ്രവേശിപ്പിച്ചു. സംഭവത്തിൽ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. കോട്ടയം നഗരത്തിൽ നിരന്തരം ആക്രമണ പ്രവർത്തനങ്ങൾ നടത്തുന്ന ആളാണ് ഡ്രാക്കുള ബാബു എന്നറിയപ്പെടുന്ന ബാബു.
