കോട്ടയം: വിജിലൻസ് യൂണിറ്റിന് മുഖ്യമന്ത്രിയുടെ പൊലീസ് മെഡലിന്റെ തിളക്കം. ഗ്രേഡ് എസ്.ഐ സ്റ്റാൻലി തോമസും, ഗ്രേഡ് എ.എസ്.ഐ എം.ഐ ഹാരീസുമാണ് മുഖ്യമന്ത്രിയുടെ മെഡൽ നേടിയത്.
ഗ്രേഡ് എസ്.ഐ സ്റ്റാൻലി തോമസ് 1997 ൽ തൃശ്ശൂരിലാണ് സർവ്വീസിൽ കയറിയത്. തുടർന്ന് മറൈൻ എൻഫോഴ് മെന്റ് & വിജിലൻസ് എറണാകുളത്ത് 8 വർഷം സേവനം അനുഷ്ടിച്ചു. തുടർന്ന് കോട്ടയം ട്രാഫിക് ,ഗാന്ധിനഗർ , കാഞ്ഞിരപ്പള്ളി, കിടങ്ങൂർ എന്നിവിടങ്ങളിൽ ജോലി നോക്കി 2020 മുതൽ കോട്ടയം വിജിലൻസിൽ സബ്ബ് ഇൻസ്‌പെക്ടർ ആയി ജോലി നോക്കി വരുന്നു.
ലോക്കൽ പോലീസ് സ്റ്റേഷനുകളിൽ ജോലി നോക്കി വരവെ നിരവധി കേസ്സുകളിലെ പ്രതികളെ പിടികൂടിയതിന് നിരവധി ഗുഡ് സർവ്വീസ് പുരസ്‌കാരങ്ങളും , ക്യാഷ് റിവാർഡുകളും , കിടങ്ങൂർ പോലീസ് സ്റ്റേഷനിൽ ജോലി നോക്കവെ 2017 ൽ ജില്ലയിലെ മികച്ച പോലീസ് സ്റ്റേഷൻ റൈറ്റർക്കുള്ള പുരസ്‌കാരവും നേടിയിട്ടുണ്ട്. വിജിലൻസിൽ ജോലി നോക്കി വരവെ 2021 ലെ വിജിലൻസ് ഡയറക്ടറുടെ മികച്ച അന്വേഷണ ഉദ്യോഗസ്ഥനുള്ള ബാഡ്ജ് ഓഫ് ഹോണർ പുരസ്‌കാരത്തിന് അർഹനായി
വിജിലൻസിലെ 4 വർഷ കാലയളവിൽ 50 ൽ പരം ഗുഡ് സർവ്വീസ് എൻടികൾ നേടിയിട്ടുണ്ട്
