കോട്ടയം: പള്ളം മാവിളങ്ങളിൽ ഓട്ടോറിക്ഷയും തടിലോറിയും കൂട്ടിയിടിച്ച് ഓട്ടോ ഡ്രൈവർക്ക് പരിക്ക്. ഓട്ടോറിക്ഷയുടെ ചില്ല് തകർന്ന് കഴുത്തിൽ തറച്ചു കയറിയാണ് ഓട്ടോഡ്രൈവർക്ക് പരിക്കേറ്റത്. പള്ളം മാവിളങ്ങ് പുത്തൻപറമ്പിൽ സുശാന്തി (49)നാണ് പരിക്കേറ്റത്. തിങ്കളാഴ്ച വൈകിട്ട് എട്ടു മണിയോടെ എംസി റോഡിൽ പള്ളം മാവിളങ്ങ് ഭാഗത്തായിരുന്നു അപകടം. കോട്ടയം ഭാഗത്തേയ്ക്കു വരികയായിരുന്ന തടി ലോറിയിൽ എതിർ ദിശയിൽ നിന്നും എത്തിയ ഓട്ടോറിക്ഷ ഇടിക്കുകയായിരുന്നുവെന്നാണ് വിവരം. ഓടിക്കൂടിയ നാട്ടുകാർ ചേർന്നാണ് പരിക്കേറ്റ സുശാന്തിനെ പുറത്തെടുത്തത്. കഴുത്തിൽ ചില്ല് തറച്ചു കയറിയാണ് സുശാന്തിന് പരിക്കറ്റത്. ഇയാളെ നാട്ടുകാർ ചേർന്ന് കോട്ടയം ജില്ലാ ജനറൽ ആശുപത്രിയിൽ എത്തിച്ചു. ഇവിടെ നിന്നും വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജ് ആശുപത്രിയിലേയ്ക്കു മാറ്റിയിട്ടുണ്ട്.
Advertisements
