കോട്ടയം: ഈരയിൽക്കടവിൽ അമിത വേഗത്തിൽ എത്തിയ കാർ ബൈക്ക് യാത്രക്കാരെ ഇടിച്ചു വീഴ്ത്തി. അപകടത്തെ തുടർന്ന് കാർ നിർത്താതെ ഓടിച്ചു പോയി. തിങ്കളാഴ്ച രാത്രി ഒൻപതരയോടെയായിരുന്നു അപകടം. കോട്ടയം ഭാഗത്തു നിന്നും മണിപ്പുഴ ഭാഗത്തേയ്ക്ക് എത്തിയ കാർ എതിർ ദിശയിൽ നിന്നും എത്തിയ ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ തെറിച്ചു വീണ യാത്രക്കാരെ ഇതുവഴി എത്തിയ പ്രദേശ വാസിയാണ് ആശുപത്രിയിൽ എത്തിച്ചത്. ഇരുവരുടെയും പരിക്ക് ഗുരുതരമല്ല. രണ്ടു പേരെയും ജില്ലാ ജനറൽ ആശുപത്രിയിൽ എത്തിച്ചു.
Advertisements
