കുറവിലങ്ങാട് : വീഥികള്‍ ഗോകുലങ്ങളായി പുണ്യം നിറഞ്ഞ്‌ ശോഭായാത്രകള്‍ കൊണ്ട് ഇന്ന് വീഥികൾ നിറയും. ശ്രീകൃഷ്ണജയന്തി ദിനമായ ഇന്ന് ബാലഗോകുലങ്ങളുടെ ആഭിമുഖ്യത്തില്‍ ജില്ലയില്‍ നൂറിലധികം ശോഭായാത്രകള്‍ നടക്കും കാല്‍ലക്ഷത്തിലധികം കുട്ടികള്‍ രാധാ-കൃഷ്ണ വേഷങ്ങളും മറ്റു പുരാണവേഷങ്ങളും ധരിച്ച്‌ വീഥികളില്‍ നിറയും.:ശ്രീകൃഷ്ണ ജയന്തി ആഘോഷങ്ങൾക്ക് ക്ഷേത്രങ്ങളും ശോഭയാത്രകൾ കടന്നുപോകുന്ന വീഥികളും ഒരുങ്ങിക്കഴിഞ്ഞു.
ക്ഷേത്ര ഭരണ സമിതികളുടെയും ബാലഗോകുലങ്ങളുടെയും നേതൃത്വത്തിലാണ് ഒരുക്കങ്ങൾ. വീഥികൾ കുരുത്തോലകളും തോരണങ്ങളുംകൊണ്ട് അലങ്കരിച്ചു. കൃഷ്ണവിഗ്രഹങ്ങളും പൂക്കളും ഉപയോഗിച്ചും ഉറികൾ കെട്ടിത്തൂക്കിയും പ്രധാന കവലകളെല്ലാം ആകർഷകമാക്കി. ശ്രീകൃഷ്ണജയന്തിയോട് അനുബന്ധിച്ചുള്ള ആഘോഷങ്ങള്‍ക്ക് ക്ഷേത്രങ്ങളും ഒരുങ്ങി. ജില്ലയിലെ പ്രധാന ക്ഷേത്രങ്ങളിലെല്ലാം വിപുലമായ ആഘോഷങ്ങളാണ് നടക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഉണ്ണിക്കണ്ണന്റെ ജന്മദിനം ആഘോഷമാക്കുവാന്‍ നാടെങ്ങും ഒരുങ്ങിക്കഴിഞ്ഞു. കൃഷ്ണക്ഷേത്രങ്ങള്‍ ദീപാലങ്കാരത്തിലും ഭക്തിഘോഷങ്ങളിലും നിറഞ്ഞിരിക്കുന്നു. കണ്ണനെ സ്തുതിയ്ക്കുന്ന കീര്‍ത്തനങ്ങള്‍ മുഴങ്ങുകയാണെവിടെയും.
ശ്രീകൃഷ്ണ ജയന്തി ബാലദിനമായാണ് ബാലഗോകുലം ആചരിക്കുന്നത്. ബാലഗോകുലത്തിന്റെ നേതൃത്വത്തില്‍ സംസ്ഥാനത്തിന്റെ പല ഭാഗത്തും ശോഭായാത്രകള്‍ നടക്കും. ഇലയ്ക്കാട് കാക്കിനിക്കാട് ക്ഷേത്രം. കളത്തൂർ ചാലപിള്ളി ക്ഷേത്രം കോഴാ നരസിംഹ സ്വാമീ ക്ഷേത്രം കുറിച്ചിത്തനം പൂത്ത്യക്കോവിൽ ക്ഷേതം. ഇടക്കോലി കോഴ നാൽ ക്ഷേത്രം. പെരുവ പൈക്കര ക്ഷേത്രം. ഉഴവൂർ വെളിയന്നൂർ . മോനിപ്പിള്ളി. ഇരവിമംഗലം . തീരുവമ്പാടി . കടപ്പൂര് . കടുത്തുരുത്തി. കാണക്കാരി . വെമ്പള്ളി . തുടങ്ങിയ സ്ഥലങ്ങളിൽ വിവിധ ബാലഗോകുങ്ങളുടെ നേതൃത്വത്തിലും ശോഭയാത്രകളില്‍ നടക്കും. ദ്വാപരയുഗ സ്മരണകളുണര്‍ത്തുന്ന നിശ്ചലദൃശ്യങ്ങളും, ശ്രീകൃഷ്ണ-ഗോപികാ വേഷങ്ങളും അണിനിരക്കും.
ഇതിനിടെ ശ്രീകൃഷ്ണ ജയന്തി ദിനത്തിൽ കുടുംബത്തിൻ്റ ഫോട്ടോഷൂട്ടും വൈറലായി മാറിയിട്ടുണ്ട്. സോഷ്യൽ മീഡിയയിൽ വൈറലായ കോട്ടയം പാറപ്പാടം സ്വദേശികളായ ശ്രീകാന്ത് ദർശന ദമ്പതിമാരുടെ കുടുംബഫോട്ടോഷൂട്ടാണ് വൈറലായി മാറിയിരിക്കുന്നത്. ശ്രീകൃഷ്ണ വേഷത്തിൽ മകൻ ശ്രാവണും, കൂട്ടിന് വൈശ്രവും ഒപ്പം എത്തിയിട്ടുണ്ട്. ഈ ഫോട്ടോ ഷൂട്ട് ചിത്രങ്ങളും കാണാം.
