കോട്ടയം: കുമാരനല്ലൂർ ക്ഷേത്രത്തിലെ അമ്പലക്കുളത്തിൽ യുവാവിന്റെ മൃതദേഹം കണ്ടെത്തി. പ്രദേശവാസിയായ യുവാവിന്റെ മൃതദേഹമാണ് കണ്ടെത്തിയതെന്നു സംശയിക്കുന്നു. ഇന്നലെ മുതൽ പ്രദേശവാസിയായ യുവാവിനെ കാണാതായിരുന്നു. തുടർന്നു നാട്ടുകാരും ബന്ധുക്കളും അടങ്ങുന്ന സംഘം പ്രദേശത്ത് തിരച്ചിൽ നടത്തുകയായിരുന്നു. ഇതിനിടെയാണ് യുവാവിന്റെ സൈക്കിൾ കുമാരനല്ലൂർ ക്ഷേത്രക്കുളത്തിന് സമീപം കണ്ടെത്തിയത്. ഇതിനു ശേഷം രാവിലെ ക്ഷേത്രക്കുളത്തിൽ മൃതദേഹവും കണ്ടെത്തി. കുമാരനല്ലൂർ സ്വദേശിയായ വിഷ്ണു (15) ആണ് മരിച്ചതെന്നാണ് സൂചന. ഗാന്ധിനഗർ പൊലീസ് സംഘം സ്ഥലത്ത് എത്തിയിട്ടുണ്ട്. ക്ഷേത്രക്കുളത്തിൽ നിന്നും യുവാവിന്റെ മൃതദേഹം പുറത്തെടുത്ത് മെഡിക്കൽ കോളേജ് ആശുപത്രിയിലേയ്ക്കു മാറ്റും.
Advertisements
