ഉല്ലല: വീട്ടിൽ പ്രവർത്തിച്ചു കൊണ്ടിരുന്ന ടി വി പൊട്ടിത്തെറിക്കുകയും ഇലക്ട്രിക് ഫർണിച്ചർ ഉപകരണങ്ങൾ കത്തി നശിക്കുകയും ചെയ്തു. തലയാഴം ഉല്ലലയിൽ മണമേൽത്തറ ഉണ്ണിയുടെ വീട്ടിലെ ടിവിയും ഇലക്ട്രിക് ഉപകരണങ്ങളും ഫർണീച്ചറുമാണ് കത്തിനശിച്ചത്. വലിയ ശബ്ദത്തോടെ ടി വി പൊട്ടിത്തെറിച്ചു കത്തിയതിനു പിന്നാലെ മുറിയിലെമറ്റു ഉപകരണങ്ങളിലേയ്ക്കും തീപടരുകയായിരുന്നു. ആ സമയം മുറിയിൽ കുടുംബാംഗങ്ങൾ ഉണ്ടായിരുന്നെങ്കിലും ആർക്കും പരിക്കില്ല. ഇന്നലെ വൈകുന്നേരം7.10 ഓടെയാണ് ടി വി പൊട്ടിത്തെറിച്ചത്. ടി വി പൂർണമായി കത്തി നശിച്ചതിനു പുറമെ ഇലക്ട്രിക് ഫർണീച്ചർ ഉപകരണങ്ങളും കത്തി നശിച്ചതോടെ 50000 രൂപയുടെ നഷ്ടമുണ്ടായതായി ഗൃഹനാഥൻ ഉണ്ണി പറഞ്ഞു.വൈക്കം അഗ്നിശമന നിലയത്തിൽ നിന്നും ഒരു യൂണിറ്റ് എത്തിയാണ് തീ അണച്ചത്.
Advertisements
രക്ഷാപ്രവർത്തനങ്ങൾക്ക് സീനിയർ ഫയർ ആൻഡ് ഓഫീസർ വി. മനോജ് നേതൃത്വം നൽകി.
