ഏറ്റുമാനൂര്‍: ഏറ്റുമാനൂര്‍-വൈക്കംറോഡില്‍ റോഡ് മുറിച്ചുകടക്കുന്നതിനിടയില്‍ കാറിടിച്ച് വിദ്യാര്‍ഥിനിക്ക് ഗുരുതരമായി പരിക്കേറ്റു. പരീക്ഷയെഴുതുന്നതിനായി കോളേജിലേയ്ക്ക് പോകുന്നതിനിടെയാണ് അപകടം. കാണക്കാരിസി.എസ്.ഐ. കോളേജ് ഫോര്‍ ലീഗല്‍ സ്റ്റഡീസില്‍ ബികോം എല്‍.എല്‍.ബി.ഒന്‍പതാംസെമസ്റ്റര്‍ വിദ്യാര്‍ഥിനി ആലപ്പുഴ കൃഷ്ണകൃപയില്‍ എസ്.വാണി(23)യ്ക്കാണ് പരിക്കേറ്റത്.
Advertisements
ഏറ്റുമാനൂര്‍-വൈക്കംറോഡില്‍ കാണക്കാരി ആശുപത്രിപ്പടിയ്ക്ക് സമീപം വ്യാഴാഴ്ച ഉച്ചയ്ക്ക് 12-മണിയോടെയായിരുന്നു അപകടം. ബസിറങ്ങിയശേഷം എതിര്‍വശത്തുള്ള കോളേജിലേയ്ക്ക് പോകുന്നതിനിടയില്‍ വാണിയെഅമിതവേഗതയിലെത്തിയ കാര്‍ ഇടിച്ചുവീഴ്ത്തുകയായിരുന്നു. പരിക്കേറ്റ വാണിതെള്ളകത്തെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്.
