കോട്ടയം: റോഡ് എൻഫോഴ്‌സ്‌മെന്റും ഒഎൽഎൽ ഹയർ സെക്കൻഡറി സ്‌കൂൾ ഉഴവൂർ സ്‌കൂളിലെ എസ്.പി.സി വിദ്യാർത്ഥികളും ചേർന്ന് യാത്രക്കാർക്കായി റോഡ് സുരക്ഷാ ബോധവത്കരണം നടത്തി. നിയമം തെറ്റിച്ച് വന്ന വാഹനങ്ങളുടെ ഡ്രൈവർമാർക്ക് ബോധവത്കരണം നടത്തി. നിയമം അനുസരിച്ചെത്തിയ ഡ്രൈവർമാർക്ക് മധുരവും വിതരണം ചെയ്തു. എസ്.പി.സി വിദ്യാർത്ഥികൾ അടക്കം 40 ഓളം പേരാണ് ബോധവത്കരണ പരിപാടികളിൽ പങ്കെടുത്തത്. കോട്ടയം ആർടിഒ എൻഫോഴ്‌സ്‌മെന്റിലെ എം.വി.ഐ ബി.ആശാകുമാർ പരിപാടികൾ ഉദ്ഘാടനം ചെയ്തു. എം.വി.ഐമാരായ രാജേഷ്‌കുമാർ, ജോണി തോമസ്, എ.എം.വിഐമാരായ ജോർജ് വർഗീസ്, രാജു സി.ആർ, സുരേഷ് കുമാർ, മനോജ് കുമാർ എന്നിവർ ബോധവത്കരണ പരിപാടികൾക്ക് നേതൃത്വം നൽകി.
Advertisements
