കോട്ടയം : എം.സി റോഡിൽ കോട്ടയം കുര്യനാട്ടും കുര്യത്തും റോഡിൽ ഒഴുകി നടന്ന ടാർ വില്ലനായി. ഒഴിവായത് വൻ ദുരന്തം. രണ്ടിടത്തും അപകടം ഉണ്ടായെങ്കിലും ആർക്കും പരിക്കേറ്റില്ല. റോഡിൽ ഒഴുകി നടന്ന ടാറിൽ തെന്നിയാണ് രണ്ടടത്തും വാഹനങ്ങൾ അപകടത്തിൽപെട്ടത്. കുര്യാനാട്ട് ലോറിയും പിക്കപ്പ് വാനും കൂട്ടിയിടിച്ചാണ് അപകടം ഉണ്ടായത്. റോഡിൽ പടർന്ന് കിടന്ന ടാറിൽ തെന്നി അപകടം ഉണ്ടാകാതിരിക്കാൻ വെട്ടിച്ച് മാറ്റിയ പിക്കപ്പും ലോറിയും വെട്ടിച്ചു മാറ്റിയപ്പോൾ കൂട്ടി ഇടിക്കുകയായിരുന്നു. ഇടിയുടെ ആഘാതത്തിൽ വാഹനങ്ങൾ തകർന്നെങ്കിലും ആർക്കും പരിക്കേറ്റില്ല. കുര്യത്ത് ടാറിൽ തെന്നി മാറിയ പിക്കപ്പ് കടയിലേക്ക് ഇടിച്ചു കയറുകയായിരുന്നു. അപകടത്തിൽ കട തകർന്നെങ്കിലും പിക്കപ്പിൽ ഉണ്ടായിരുന്ന യാത്രക്കാർക്ക് ആർക്കും പരിക്കേറ്റിട്ടില്ല. അപകട വിവരമറിഞ്ഞ് മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം എം വി ഐ ബി. ആശാകുമാറിന്റെ നേതൃത്വത്തിലുള്ള സംഘം സ്ഥലത്ത് എത്തി പരിശോധന നടത്തി.
