കോട്ടയം : മാടപ്പള്ളി പൻപുഴയിൽ ഭർത്താവ് ഭാര്യയുടെ കഴുത്ത് ഷോൾ മുറുക്കി കൊലപ്പെടുത്തി. മാടപ്പള്ളി പൊൻപുഴ അറയ്ക്കൽ വീട്ടിൽ സിജിയെയാണ് വീടിനുള്ളിൽ കഴുത്തിൽ ഷാൾ മുറുക്കി കൊലപ്പെടുത്തിയ നിലയിൽ കണ്ടെത്തിയത്. സിജിയുടെ ഭർത്താവ് മാടപ്പള്ളി അറയ്ക്കൽ വീട്ടിൽ സനീഷ് ജോസഫിനെ സംഭവ സ്ഥലത്ത് നിന്ന് കാണാതായി. വ്യാഴാഴ്ച വൈകിട്ട് ആറരയോട് കൂടിയായിരുന്നു സംഭവം. ഇവരുടെ വീടിന് സമീപത്തുനിന്ന് ഒച്ചയും ബഹളവും കേട്ടതോടെ നാട്ടുകാരെത്തി നോക്കിയപ്പോഴാണ് മരിച്ച നിലയിൽ സിജിയെ കണ്ടെത്തിയത്. തുടർന്ന് നാട്ടുകാർ വിവരം തൃക്കൊടിത്താനം പോലീസിൽ അറിയിച്ചു. പോലീസ് സംഘം സ്ഥലത്തെത്തി മൃതദേഹം സംഭവ സ്ഥലത്ത് നിന്നും നീക്കി. സംഭവത്തിൽ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. മുൻപ് വിവാഹിതനായിരുന്ന പ്രതിയുടെ രണ്ടാം ഭാര്യയാണ് കൊല്ലപ്പെട്ട സിജി .
Advertisements
