സെന്റ്ഗിറ്റ്സ് സൃഷ്ടി2024″ പ്രസ്സ് അവാർഡ് :  വിഷ്ണു പ്രതാപിനും സരിത കൃഷ്ണനും പുരസ്കാരം 

കോട്ടയം: സെന്റ്ഗിറ്റ്സ് എഞ്ചിനീയറിംഗ് കോളേജിൽ നടന്ന  “സൃഷ്ടി 2024”- പത്താമത് അഖിലേന്ത്യാ എഞ്ചിനീയറിംഗ് പ്രൊജെക്ട്  പ്രദർശനത്തിന്റെ ഭാഗമായി നടത്തിയ പ്രസ്സ് ഫോട്ടോഗ്രഫി അവാർഡുകൾ പ്രഖ്യാപിച്ചു. 

സൃഷ്ടി പ്രസ് റിപ്പോർട്ട് അവാർഡ് 

ജനയുഗം ദിനപത്രം കോട്ടയം ബ്യൂറോ ഇൻ ചാർജ് സരിത കൃഷ്ണൻ ഒന്നാം സമ്മാനമായ 10000 രൂപയ്ക്കും പ്രശസ്തിപത്രത്തിനും  അർഹനായി.  രണ്ടാം സമ്മാനം  ദേശാഭിമാനി ദിനപത്രം കോട്ടയം ബ്യൂറോ ഏരിയ റിപ്പോർട്ടർ മനാഫ് എ. എസ് കരസ്ഥമാക്കി.  അയ്യായിരം രൂപയും പ്രശസ്തിപത്രവും ലഭിക്കും.

സൃഷ്ടി പ്രസ് ഫോട്ടോഗ്രഫി അവാർഡ് 

 ദ ഹിന്ദു ദിനപത്രത്തിൻ്റെ ന്യൂസ് ഫോട്ടോഗ്രാഫർ വിഷ്ണു പ്രതാപ് പ്രസ് ഫോട്ടോഗ്രഫി മത്സരത്തിലെ ഒന്നാം സമ്മാനമായ 10000 രൂപയ്ക്കും പ്രശസ്തിപത്രത്തിനും  അർഹനായി.രണ്ടാം സമ്മാനമായ അയ്യായിരം രൂപയും പ്രശസ്തിപത്രവും മാധ്യമം ദിനപത്രത്തിലെ  ന്യൂസ് ഫോട്ടോഗ്രാഫർ ആഷിഖ് എം അസീസിനാണ്. മാർച്ച് 2 ശനിയാഴ്ച വൈകിട്ട് ആറുമണിക്ക് സെന്റ്ഗിറ്റ്സ് എഞ്ചിനീയറിംഗ് കോളേജിൽ നടന്നുകൊണ്ടിരിക്കുന്ന നക്ഷത്ര ടെക്നോ കൾച്ചറൽ ഫെസ്റ്റിന്റെ സമാപനചടങ്ങിൽ സൃഷ്ടി പ്രസ് അവാർഡുകൾ വിതരണം ചെയ്യും.