കോട്ടയം: കെ.എസ്.ആർ.ടി.സി ബസ് സ്റ്റാൻഡിനു സമീപം നിയന്ത്രണം നഷ്ടമായ ബൈക്ക് കാൽനടയാത്രക്കാരനെ ഇടിച്ച് രണ്ട് പേർക്ക് പരിക്ക്. സൊമാറ്റോ ഡെലിവറി ബോയിയായ കുടയംപടി സ്വദേശി അജ്മീർ (20) , കാൽനടയാത്രക്കാരൻ ശശി (54) എന്നിവർക്കാണ് പരിക്കേറ്റത്. ഞായറാഴ്ച ഉച്ചയ്ക്ക് മൂന്നു മണിയോടെ കെ.എസ്.ആർ.ടി.സി സ്റ്റാൻഡിനു സമീപമായിരുന്നു അപകടം. നിയന്ത്രണം നഷ്ടമായ ബൈക്ക് റോഡ് മുറിച്ച് കടക്കുകയായിരുന്ന രണ്ട് കാൽനടയാത്രക്കാരെ ഇടിയ്ക്കുകയായിരുന്നു. ഇടിയുടെ ആഘാതത്തിൽ റോഡിൽ ബൈക്ക് മറിഞ്ഞ് യുവാവിനും, കാൽനടയാത്രക്കാരനും പരിക്കേറ്റു. രണ്ടുപേരെയും ആംബുലൻസിൽ കോട്ടയം ജില്ലാ ജനറൽ ആശുപത്രിയിൽ എത്തിച്ചു. ഇവിടെ നിന്നാണ് പരിക്കേറ്റ അജ്മീറിനെ മെഡിക്കൽ കോളേജ് ആശുപത്രിയിലേ്ക്കു മാറ്റിയത്.
Advertisements
