തൃശ്ശൂർ: മുഖ്യമന്ത്രി പിണറായി വിജയന്റെ വാർത്താസമ്മേളനത്തില്‍ വീണ്ടും പണിമുടക്കി മൈക്ക്. രാവിലെ തൃശ്ശൂർ സിപിഎം ജില്ലാ കമ്മിറ്റി ഓഫീസില്‍ നടത്തിയ വാർത്താസമ്മേളനത്തിനിടെയാണ് മൈക്ക് വീണ്ടും പിണങ്ങിയത്.വാർത്താസമ്മേളനം തുടങ്ങിയതിന് പിന്നാലെയാണ് മൈക്കിന്റെ ശബ്ദം പോയ വിവരം മുഖ്യമന്ത്രിക്ക് മനസിലാകുന്നത്.മൈക്കില്‍ തട്ടി നോക്കിയിട്ടും ശബ്ദം പുറത്തുവരുന്നില്ല. പിന്നെ മേശപ്പുറത്തിരുന്ന ചാനല്‍ മൈക്കുകളുടെ കൂട്ടത്തില്‍ ഇരുന്ന മൈക്കില്‍ തട്ടി നോക്കി പൊതുവായ പ്രശ്‌നമല്ലെന്ന് മനസിലാക്കി. ഞാൻ വന്ന് ഇരുന്നാലാണ് ഇതിന്റെ ഒരു ഓപ്പറേഷൻ നടക്കുക, നിങ്ങള്‍ക്ക് ഒരു വാർത്തയായല്ലോ എന്ന് മുഖ്യമന്ത്രി പറഞ്ഞു. അടുപ്പിച്ച്‌ ഇത് മൂന്നാം തവണയാണ് മുഖ്യമന്ത്രി പ്രസംഗിക്കുമ്പോള്‍ മൈക്കിന് തകരാർ സംഭവിക്കുന്നത്. കഴിഞ്ഞ ദിവസം തലയോലപ്പറമ്ബില്‍ മൈക്ക് സ്റ്റാൻഡ് സഹിതം ഊരി വന്നിരുന്നു.
മുഖ്യമന്ത്രിയുടെ മൈക്ക് വീണ്ടും പിണങ്ങി ; വാർത്താ സമ്മേളനം തടസ്സപ്പെട്ടത് പല തവണ
