ഇന്ന് മിക്കവരിലും കണ്ട് വരുന്ന ജീവിതശെെലി രോഗമാണ് കൊളസ്ട്രോള്. അനാരോഗ്യകരമായ ഭക്ഷണക്രമം, ഉദാസീനമായ ജീവിതശൈലി, സമ്മർദ്ദം എന്നിവയെല്ലാം ഉയർന്ന കൊളസ്ട്രോള് ഉണ്ടാകുന്നതിന് കാരണമാകുന്നു.
കൊളസ്ട്രോളിന്റെ അളവ് കൂടുമ്ബോള്‍ രക്തക്കുഴലുകളില്‍ കൊഴുപ്പ് അടിഞ്ഞുകൂടുന്നു. ഇത് ധമനികളിലൂടെയുള്ള രക്തപ്രവാഹം ബുദ്ധിമുട്ടിലാകുന്നു. ഇത് രക്തം കട്ടപിടിയ്ക്കുന്നതിലേയ്ക്ക് നയിക്കുകയും ഹൃദയാഘാതത്തിനോ പക്ഷാഘാതത്തിനോ കാരണമായേക്കാം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കൊളസ്ട്രോള് ഉണ്ടെങ്കില്‍ പ്രകടമാകുന്ന ലക്ഷണങ്ങള്‍
ചർമ്മം മഞ്ഞയും ഓറഞ്ച് നിറത്തിലോട്ടും മാറുക. കണ്ണുകളില്‍ മഞ്ഞകലർന്ന ഓറഞ്ച് നിറത്തില്‍ മെഴുക് പോലുള്ള ഒരു പദാർത്ഥം വരുന്നത് കൊളസ്ട്രോള് കൂടുതലാണ് എന്നതിന്റെ ലക്ഷണമാണ്.
മുഖത്തും ശരീരത്തിൻ്റെ മറ്റ് ഭാഗങ്ങളിലും ചുവപ്പും ചൊറിച്ചിലും അനുഭവപ്പെട്ടാല്‍ ഉടൻ തന്നെ ഡോക്ടർ കാണുക. ഇത് രക്തത്തില്‍ ഉയർന്ന കൊളസ്ട്രോള് ഉള്ളവരിലും കാണപ്പെടുന്ന ഒരു കോശജ്വലന ചർമ്മ അവസ്ഥയാണ്.
ചർമ്മം നീല അല്ലെങ്കില്‍ പർപ്പിള്‍ നിറത്തിലേക്ക് മാറുന്നതാണ് മറ്റൊരു ലക്ഷണം. സാധാരണ തണുത്ത കാലാവസ്ഥകളിലും ഇത്തരം അടയാളങ്ങള്‍ ചർമ്മത്തില്‍ ഉണ്ടാകാറുണ്ട്. പക്ഷേ ചില സമയങ്ങളില്‍ ഇത് ധമനികളില്‍ തടസ്സങ്ങള്‍ ഉണ്ടാകുന്നതിന്റെ സൂചനയുമാകാം.
ഉയർന്ന കൊളസ്ട്രോള് രക്തക്കുഴലുകളില്‍ പ്ലാക്ക് അടിഞ്ഞു കൂടുന്നതിന് കാരണമാകുന്നു. ഇത് രക്തപ്രവാഹത്തെ ബാധിക്കുന്നു. കാലിലെ ചർമ്മത്തിന്റെ നിറത്തിലും ഘടനയിലും ചില മാറ്റങ്ങള്‍ ശ്രദ്ധയില്‍പ്പെട്ടാല്‍ ഉടൻ തന്നെ ഡോക്ടറെ കാണുക.
കൊളസ്ട്രോളിൻ്റെ കാരണങ്ങള്‍
അമിതമായി പൂരിത കൊഴുപ്പ് കഴിക്കുന്നത് – ഇത് കൊളസ്ട്രോള് നീക്കം ചെയ്യാനുള്ള കരളിൻ്റെ കഴിവ് കുറയ്ക്കുന്നു, അതിനാല്‍ ഇത് രക്തത്തില്‍ അടിഞ്ഞു കൂടുന്നു.
വ്യായാമമില്ലായ്മ – വ്യായാമം ചെയ്യാത്തത് ‘നല്ല’ കൊളസ്ട്രോളിൻ്റെ അളവ് കുറയ്ക്കുകയും ‘ചീത്ത’ കൊളസ്ട്രോളിൻ്റെ അളവ് കൂട്ടുകയും ചെയ്യുന്നു.
പുകവലി- പുകവലിക്കുന്നത് ഉയർന്ന കൊളസ്ട്രോളിന്റെ അളവ് കൂട്ടാം, ഇത് ധമനികളില്‍ കൊഴുപ്പ് അടിഞ്ഞുകൂടാൻ കാരണമാകുന്നു.
കൊളസ്ട്രോള് കുറയ്ക്കാൻ
കൊളസ്ട്രോള് കുറയ്ക്കാനും ഹൃദ്രോഗ സാധ്യത കുറയ്ക്കാനും നട്‌സുകള്‍ ഗുണം ചെയ്യും. ആല്‍മണ്ട്, പീനട്ട്, വാള്‍നട്ട് അങ്ങനെ എല്ലാവിധത്തിലെ നട്‌സും കൊളസ്ട്രോള് കുറയ്ക്കും. ദിവസവും നട്‌സ് കഴിക്കുന്നത് ഹൃദ്രോഗം, അര്‍ബുദം ഇവയ്ക്കുള്ള സാധ്യതയെ കുറയ്ക്കും.
രക്തസമ്മര്‍ദവും ചീത്ത കൊളസ്ട്രോള് എന്നറിയപ്പെടുന്ന എല്‍ഡിഎല്‍ കൊളസ്‌ട്രോളും കുറയ്ക്കാന്‍ പപ്പായ വളരെ നല്ലതാണ്. കൂടാതെ ഫാറ്റി ആസിഡും ഒലിയിക് ആസിഡും മറ്റും പപ്പായയില്‍ അടങ്ങിയിട്ടുണ്ട്. ഇവയും കൊളസ്ട്രോള് കുറയ്ക്കുന്നതിന് സഹായകരമാണ്.
കൊളസ്ട്രോള് കുറയ്ക്കാന്‍ സഹായിക്കുന്ന പച്ചക്കറിയാണ് ബീന്‍സ്. അതിനാല്‍ ഇവയും ഡയറ്റില്‍ ഉള്‍പ്പെടുത്തുന്നത് ഗുണം ചെയ്യും. ഓറഞ്ച് പോലെയുള്ള സിട്രസ് പഴങ്ങളെല്ലാം കൊളസ്ട്രോള് കുറയ്ക്കാന്‍ ഉപകാരപ്പെടും. സിട്രസ് പഴങ്ങളിലെ ആന്റിഓക്‌സിഡന്റുകള്‍ ഹൃദയാഘാതം, പക്ഷാഘാതം തുടങ്ങിയവയുടെ സാധ്യതയും കുറയ്ക്കും.
