അമ്പലപ്പുഴ: പുന്നപ്ര പറവൂർ ഭാഗത്ത് ജനവാസ മേഖലയില്‍ പുലിയെ കണ്ടെതായി നാട്ടുകാർ. പുന്നപ്ര വടക്ക് പഞ്ചായത്ത് എട്ടാം വാർഡ് കോന്നാത്ത് താജുദീന്റെ വീടിന്റെ പരിസരത്താണ് കഴിഞ്ഞ രാത്രിയില്‍ എട്ടരയോടെ പുലിയെ കണ്ടത്. ഇദ്ദേഹവും കുടുംബാംഗങ്ങളും വീടിന് വെളിയില്‍ നില്‍ക്കുമ്ബോള്‍ പുലി നടന്നു പോകുന്നതാണ് കണ്ടത്. ഇതിന്റെ ദൃശ്യങ്ങള്‍ ഇവർ മൊബൈലില്‍ പകർത്തുകയും ചെയ്തു. തൊട്ടടുത്ത തോടിന് കുറുകെയുള്ള പാലത്തില്‍ക്കൂടി കടന്നു പോയ പലിയെ പിന്നീട് കണ്ടില്ലെന്നുമാണ് ഇവർ പറയുന്നത്. വള്ളിപ്പുലി എന്ന ഇനത്തില്‍പ്പെട്ട പുലിയാണ് ഇതെന്ന് കരുതുന്നു. ജനവാസ മേഖലയില്‍ പുലിയെ കണ്ടതോടെ ഭീതിയിലാണ് നാട്ടുകാർ.
Advertisements