ആലപ്പുഴ :
വെള്ളപ്പൊക്ക ദുരിതം അനുഭവിക്കുന്ന അപ്പര്‍ കുട്ടനാട്ടിലെ തലവടിയില്‍ ദുരന്തനിവാരണ സംഘത്തെ നിയോഗിച്ചു. തമിഴ്‌നാട് കാരക്കോണത്തു നിന്നുള്ള ഫോര്‍ത്ത് ബെറ്റാലിയന്‍ എന്‍. ഡി. ആര്‍. എഫ് സംഘമാണ് തലവടിയില്‍ എത്തിയത്. അടിയന്തിര ഘട്ടത്തില്‍ ദുരിത ബാധിത പ്രദേശത്തു നിന്ന് ആളുകളെ ഒഴിപ്പിക്കാനും ദുരിത ബാധിതര്‍ക്ക് ലഭ്യമായ സേവനം നല്‍കാനുമാണ് സംഘത്തിന് ചുമതല. ജില്ല കളക്ടറിന്റെ മേല്‍നോട്ടത്തിലാണ് എന്‍.ഡി.ആര്‍.എഫ് സംഘം സന്ദര്‍ശനം നടത്തുന്നത്. ജില്ലയിലെ വിവിധ ദുരന്തബാധിത പ്രദേശങ്ങളില്‍ എന്‍.ഡി.ആര്‍.എഫ് സംഘങ്ങളെ നിയോഗിച്ചിട്ടുണ്ട്. എസ്.ഐ വിശാലിന്റെ നേതൃത്വത്തിലുള്ള 16 അംഗ സംഘം നീരേറ്റുപുറത്ത് ക്യാമ്പ് ചെയ്യുന്നുണ്ട്. വില്ലേജ് ഓഫീസര്‍ റെജി പോള്‍, ബ്ലോക്ക് പഞ്ചായത്തംഗം അജിത് കുമാര്‍ പിഷാരത്ത് എന്നിവരും സംഘത്തിനൊപ്പമുണ്ടായിരുന്നു.
Advertisements
