കോട്ടയം : പള്ളിക്കത്തോട്ടിൽ റോഡരികിലെ കുളത്തിനു സമീപം ദുരൂഹ സാഹചര്യത്തിൽ ബൈക്ക് കണ്ടെത്തി. ബൈക്ക് മറിഞ്ഞ നിലയിലാണ് കണ്ടെത്തിയത്. ബൈക്കിൽ ഉണ്ടായിരുന്നവർക്കായി കുളത്തിലും സമീപത്തും പോലീസ് തിരച്ചിൽ ആരംഭിച്ചു. കണ്ടെത്തിയത് മോഷ്ടിച്ചു കൊണ്ടുവന്ന ബൈക്ക് ആണെന്ന് സംശയിക്കുന്നു. ഇന്ന് പുലർച്ചെയാണ് പ്രദേശത്ത് ബൈക്ക് കണ്ടെത്തിയത്. പഞ്ചായത്തിലെ എട്ടാം വാർഡിലെ ചല്ലേലി കുളത്തിനെ സമീപത്താണ് ബൈക്ക് മറിഞ്ഞ നിലയിൽ കണ്ടെത്തിയത്. ബൈക്കിൽ യാത്ര ചെയ്തിരുന്നവരെ ഇനിയും കണ്ടെത്തിയിട്ടില്ല. കഴിഞ്ഞ അർദ്ധരാത്രിയാണ് സംഭവം നടന്നത് എന്ന് സംശയിക്കുന്നു. മോഷ്ടിച്ചു കൊണ്ടുവന്ന ബൈക്കാണ് എന്ന് സംശയം ഉണ്ട്. റോഡിനോട് ചേർന്നാണ് കുളം. ബൈക്ക് യാത്രക്കാർ നിറഞ്ഞുകിടക്കുന്ന കുളത്തിൽ വീണിട്ടുണ്ടോ അതോ രക്ഷപ്പെട്ടു പോയോ എന്ന് സംശയിക്കുന്നുണ്ട്. പള്ളിക്കത്തോട് സ്റ്റേഷൻ ഹൗസ് ഓഫിസർ ഇൻസ്പെക്ടർ കെ.പി ടോംസണിൻ്റെ നേതൃത്വത്തിൽ പൊലീസ് അന്വേഷണം ആരംഭിച്ചിട്ടുണ്ട്.
