മുഖത്തിൻ്റെ ഭംഗിയെന്ന് പറയുന്നത് കണ്ണും മൂക്കും ചുണ്ടുമൊക്കെ തന്നെയാണ്. നല്ല ഭംഗിയുള്ള കണ്ണുകളും ചുണ്ടുകളുമൊക്കെ ആഗ്രഹിക്കാത്തവരായി ആരും കാണില്ല. ചർമ്മത്തിൻ്റെ സൗന്ദര്യമെന്ന് പറയുന്നതും അത് തന്നെയാണ്. ചർമ്മത്തിന് ആവശ്യമായ രീതിയിലുള്ള സംരക്ഷണം നൽകുമ്പോൾ പലപ്പോഴും മറന്ന് പോകുന്ന കാര്യമാണ് ചുണ്ടുകൾ. നല്ല നിറമുള്ള ചുണ്ടുകൾ വേണമെങ്കിൽ ശരിയായ രീതിയിൽ സംരക്ഷണം ഉറപ്പ് വരുത്തണം. അതിനായി ആഴ്ചയിൽ ഒരിക്കല്ലെങ്കിലും ചെയ്യേണ്ട ഒരു സ്ക്രബ് നോക്കാം.
തക്കാളി
നാച്യുറൽ എക്സ്ഫോളിയേറ്ററാണ് തക്കാളിയെന്ന് തന്നെ പറയാം. അതുകൊണ്ട് തന്നെ ചർമ്മത്തിനും ചുണ്ടിനുമൊക്കെ വളരെ നല്ലതാണ് തക്കാളി. ഇതിൽ അടങ്ങിയിരിക്കുന്ന വൈറ്റമിൻ സി ചുണ്ടുകൾക്ക് നല്ല നിറം നൽകാൻ ഏറെ സഹായിക്കും. ചുണ്ടുകളെ ഭംഗിയുള്ളതും അതുപോലെ നല്ല ചുവപ്പും നൽകാനും വളരെ മികച്ചതാണ് തക്കാളി. തക്കാളിയുടെ പൾപ്പ് നേരിട്ടോ അല്ലെങ്കിൽ മറ്റ് ചേരുവകൾക്കൊപ്പമോ ചർമ്മത്തിലും ചുണ്ടിലുമൊക്കെ തേയ്ക്കാവുന്നതാണ്.
മഞ്ഞൾ
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ആൻ്റി ബാക്ടീരിയിൽ ഗുണങ്ങളാൽ സമ്പുഷ്ടമാണ് മഞ്ഞൾ. ചർമ്മത്തിൽ പല തരത്തിലുള്ള ഗുണങ്ങൾ നൽകാൻ മഞ്ഞളിന് കഴിയാറുണ്ട്. മഞ്ഞൾ ചർമ്മത്തെ തിളക്കമുള്ളതാക്കാനും തുല്യമായ നിറം നൽകാനും സഹായിക്കാറുണ്ട്. മാത്രമല്ല തെളിഞ്ഞ ചർമ്മത്തിന് ഏറെ നല്ലതാണ് മഞ്ഞൾ. അതുപോലെ ചുണ്ടിനും ഭംഗി കൂട്ടാൻ മഞ്ഞൾ സഹായിക്കും. ചുണ്ടിൻ്റെ സ്വാഭാവിക നിറം വീണ്ടെടുക്കാൻ ഏറെ സഹായിക്കുന്നതാണ് മഞ്ഞൾ. മാത്രമല്ല ചുണ്ടിനെ നല്ല സോഫ്റ്റാക്കാനും ഇത് സഹായിക്കാറുണ്ട്.
പഞ്ചസാര
ചർമ്മത്തിൽ മികച്ചൊരു എക്സ്ഫോളിയേറ്ററായി പ്രവർത്തിക്കാൻ പഞ്ചസാരയ്ക്ക് കഴിയാറുണ്ട്. കൂടാതെ ചർമ്മത്തിന് ആവശ്യമായ രീതിയിലുള്ള തിളക്കവും ഭംഗിയും നൽകാനും പഞ്ചസാര സഹായിക്കുന്നു. ചുണ്ടുകളിലെ മൃതകോശങ്ങളെ പുറന്തള്ളി നല്ല രീതിയിൽ ചുണ്ടികളെ സോഫ്റ്റാക്കാനും നിറം നൽകാനും ബെസ്റ്റാണ് പഞ്ചസാര. എന്നാൽ അമിതമായി സ്ക്രബ് ഉപയോഗിച്ച് ചുണ്ടുകളിൽ ഉരയ്ക്കരുത് ഇത് കേടുപാടുകൾ വരാൻ കാരണമായേക്കാം. മൃദുവായി വേണം എപ്പോഴും ചെയ്യാൻ കാരണം പഞ്ചസാരകളിലെ തരികൾ ചുണ്ടിന് കേടുപാടുകൾ ഉണ്ടാക്കാം.
ബദാം ഓയിൽ
ചുണ്ടുകളെ വളരെ സോഫ്റ്റാക്കാനുള്ള മാർഗമാണ് ബദാം ഓയിൽ. ചുണ്ടുകൾക്ക് സ്വാഭാവിക നിറം നൽകാൻ ബദാം ഓയിൽ ഏറെ സഹായിക്കാറുണ്ട്. ഇതിൽ അടങ്ങിയിരിക്കുന്ന വൈറ്റമിൻ ഇ ചുണ്ടുകൾക്കും അതുപോലെ ചർമ്മത്തിനും വളരെ നല്ലതാണ്. ഇതൊരു നാച്യുറൽ ആൻ്റി ഓക്സിഡൻ്റാണ്. സൂര്യരശ്മികളിൽ നിന്നും ഫ്രീ റാഡിക്കലുകളിൽ നിന്നുമുണ്ടാകുന്ന പ്രശ്നങ്ങളെ ഇല്ലാതാക്കാൻ ബദാം ഓയിലിന് കഴിയാറുണ്ട്. ചുണ്ടുകളിലെ നിറം മാറുന്നതും പിഗ്മൻ്റേഷനും പോലെയുള്ള പ്രശ്നങ്ങളെ ഇല്ലാതാക്കാൻ ബദാം ഓയിലിന് കഴിയാറുണ്ട്.
സ്ക്രബ് തയാറാക്കാൻ
ഇതിനായി ആദ്യം ഒരു തക്കാളിയുടെ പകുതി എടുക്കുക. ഇനി തക്കാളിയുടെ പകുതി മുറിച്ചെടുത്ത ഭാഗത്തേക്ക് അൽപ്പം മഞ്ഞളും കുറച്ച് പഞ്ചസാരയും ഇടുക. അതിന് ശേഷം ഇതിലേക്ക് ബദാം ഓയിൽ ചേർക്കുക. ഇനി ഇത് നന്നായി ചുണ്ടിൽ ഉരയ്ക്കുക. അതിന് ശേഷം ഒരു 20 മിനിറ്റ് കഴിഞ്ഞ് ചുണ്ടുകൾ തണുത്ത വെള്ളം ഉപയോഗിച്ച് കഴുകി വ്യത്തിയാക്കാം. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.
