കോട്ടയം: കെ.കെ റോഡിൽ പാമ്പാടി ആർ.ഐ.ടിയക്കു സമീപം അപകടത്തിൽ മരിച്ച യുവാവിന്റെ സംസ്‌കാരം നാളെ നടക്കും. കോത്തല പുതുവയൽ പൊറുമ്പുങ്കൽ അച്ചു അനിലാ(19)ണ് കഴിഞ്ഞ ദിവസം രാത്രിയിൽ പാമ്പാടി ആർ.ഐ.ടിയ്ക്കു സമീപമുണ്ടായ അപകടത്തിൽ മരിച്ചത്. ഇയാൾക്കൊപ്പം അപകടത്തിൽ ഗുരുതരമായി പരിക്കേറ്റ നിഖിൽ ജിജി, രഞ്ജിത്ത് എന്നിവർ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയാണ്. അപകടത്തിൽ പരിക്കേറ്റ അച്ചുവിനെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചപ്പോഴേയ്ക്കും മരണം സംഭവിച്ചിരുന്നു. മൃതദേഹം പോസ്റ്റ് മോർട്ടത്തിന് ശേഷം ബന്ധുക്കൾക്ക് വിട്ടു നൽകും. തുടർന്ന് നാളെ നവംബർ ഒന്ന് വെള്ളിയാഴ്ച രാവിലെ 11 മണിയ്ക്ക് കോത്തല പി.ആർ.ഡി.എസ് ശ്മശാനത്തിൽ. അപകടത്തിൽ പാമ്പാടി പൊലീസ് കേസെടുത്തു.
Advertisements
