40-ാമത് കോട്ടയം ബൈബിൾ കൺവൻഷനും, തിരുശേഷിപ്പു പ്രതിഷ്ഠയും

കോട്ടയം : റൂബി ജൂബിലി വർഷത്തിൽ കോട്ടയം കാത്തലിക് മൂവ്മെൻ്റിൻ്റേയും (കെ സി എം ) കോട്ടയം കരിസ്‌മാറ്റിക് സോണിൻ്റേയും സംയുക്താഭിമുഖ്യത്തിൽ 2025 ഏപ്രിൽ 2 ബുധൻ മുതൽ 6 ഞായർ വരെ വൈകുന്നേരം 3 മുതൽ 9 വരെ കോട്ടയം നാഗമ്പടം സെന്റ് ആന്റണീസ് തിരുശേഷിപ്പു തീർത്ഥാടന കേന്ദ്രത്തിൽ ജറുസലേം ധ്യാനകേന്ദ്രത്തിലെ (തലോർ, തൃശ്ശൂർ) പ്രശസ്ത വചന പ്രഘോഷകൻ റവ.ഫാ.ഡേവിസ് പട്ടത്ത് സി എം ഐ & ടീം നയിക്കുന്ന ബൈബിൾ കൺവെൻഷൻ നടത്തപ്പെടുകയാണ്. തിരുവല്ല, ചങ്ങനാശ്ശേരി, കോട്ടയം, വിജ യപുരം എന്നീ രൂപതകളിലെ കോട്ടയത്തും സമീപ പ്രദേശങ്ങളിലുമുളള ഇടവകകൾ ആശ്രമങ്ങൾ, സന്യസ്ഥ ഭവനങ്ങൾ, ധ്യാനകേന്ദ്രങ്ങൾ, ആതുരാലയങ്ങൾ, അഗതി മന്ദിര ങ്ങൾ, വിദ്യാഭ്യാസ സ്ഥാപനങ്ങൾ എന്നിവയുടെ അഭിവന്ദ്യരായ 7 പിതാക്കന്മാർ രക്ഷാധി കാരികളായ ഒരു കൂട്ടായ്‌മയാണ് കെ സി എം.

പരിശുദ്ധ ഫ്രാൻസിസ് മാർപാപ്പ 2025 വർഷം നമ്മുടെ കർത്താവായ ഈശോമിശി ഹായുടെ മനുഷ്യാവതാരത്തിൻ്റെ ജൂബിലി വർഷമായി പ്രഖ്യാപിച്ചിരിക്കുകയാണല്ലോ “പ്രത്യാശയുടെ തീർത്ഥാടകർ” എന്നതാണ് ഈ വർഷത്തെ കൺവൻഷൻ വിഷയം. ജൂബിലി വത്സരം നമ്മുടെ വിശ്വാസത്തെ ഉജ്ജ്വലിപ്പിക്കുവാനും, പ്രത്യാശ നിറഞ്ഞ കുടും ബബന്ധങ്ങളെ രൂപപ്പെടുത്തുവാനും ശ്രമിക്കണമെന്നാണ് പരിശുദ്ധ പിതാവ് ആഗ്രഹിക്കു ന്നത്. “ഞാനാണ് വാതിൽ എന്നതിലൂടെ പ്രവേശിക്കുന്നവൻ രക്ഷ പ്രാപിക്കും”

(യോഹന്നാൻ 10:9) എന്ന ദൈവവചനത്തിൽ ആഴപ്പെട്ടുകൊണ്ട് രക്ഷയുടെ കവാടമായ ഈശോ മിശിഹായോടുള്ള കണ്ടുമുട്ടലിന്റെ അവസരമായി – യാഥാർത്ഥ്യവും വ്യക്തിപര വുമായുളള നമ്മുടെ ബൈബിൾ കൺവൻഷനെ കരുതുകയാണ്.

കൺവൻഷൻ ദിവസങ്ങളിൽ യുവജനങ്ങളുടേയും ദമ്പതിമാരുടേയും സന്യസ്‌തരു ടെയും വൈദികരുടേയും അതിഥി തൊഴിലാളികളുടേയും സംഗമങ്ങൾ സംഘടിപ്പിച്ചി ട്ടുണ്ട്. കൂടാതെ വിശുദ്ധിയിൽ വളരാൻ നന്മയിൽ ജീവിക്കാൻ പ്രചോദനമേകതക്കവിധം ആയിരത്തി അഞ്ഞൂറോളം വിശുദ്ധരുടെ തിരുശേഷിപ്പുകൾ ഈ ദിവസങ്ങളിൽ വണക്ക ത്തിനായി കൺവൻഷൻദിനങ്ങളിൽ പ്രതിഷ്‌ഠിക്കുകയും ചെയ്യുന്നു.