കോട്ടയം: എൻ.എസ്.എസ് ആസ്ഥാനത്ത് എത്തി ജനറൽ സെക്രട്ടറി സുകുമാരൻ നായരുടെ അനുഗ്രഹം തേടി തൃക്കാക്കര നിയോജക മണ്ഡലത്തിലെ യു.ഡി.എഫ് സ്ഥാനാർത്ഥി ഉമ തോമസ്. യു.ഡി.എഫ് സ്ഥാനാർത്ഥിയായി പ്രഖ്യാപിച്ചതിനു പിന്നാലെ മതമേലധ്യക്ഷന്മാരെ കണ്ട് അനുഗ്രഹം തേടുന്നതിന്റെ ഭാഗമായാണ് പി.ടി തോമസിന്റെ ഭാര്യ ഉമ തോമസ് ചങ്ങനാശേരി പെരുന്നയിലെ എൻ.എസ്.എസ് ആസ്ഥാനത്തും എത്തിയത്.
കഴിഞ്ഞ ദിവസമാണ് യു.ഡി.എഫ് സ്ഥാനാർത്ഥിയാ ഉമാ തോമസിന്റെ പേര് ഹൈമക്കമാൻഡ് മുന്നോട്ടു വച്ചത്. തുടർന്ന്, ഉമ പ്രചാരണം ആരംഭിക്കുകയും ചെയ്തിരുന്നു. പി.ടി തോമസിന്റെ സ്മൃതി മണ്ഡപത്തിൽ അടക്കം എത്തിയ ഉമ പ്രാർത്തനകളും പുഷ്പാർച്ചനയും നടത്തിയിരുന്നു. ഇതിനിടെയാണ് ഇപ്പോൾ എൻ.എസ്.ആസ്ഥാനത്ത് ഉമ എത്തിയിരിക്കുന്നത്. സർക്കാരുമായി കൃത്യമായ അകലം പാലിക്കുന്ന സുകുമാരൻ നായർ എൽ.ഡി.എഫ് നേതൃത്വവുമായി അകന്നു നിൽക്കുകയാണ്. ഈ സാഹചര്യത്തിൽ തിരഞ്ഞെടുപ്പിന് മുൻപുള്ള ഉമയുടെ സന്ദർശനത്തിന് ഏറെ രാഷ്ട്രീയ പ്രാധാന്യമുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സുകുമാരൻ നായരെ കണ്ടത് അനുഗ്രഹം തേടിയെന്ന് ഉമ തോമസ് മാധ്യമങ്ങളോട് വ്യക്തമാക്കി. പി.ടി.യുമായി സുകുമാരൻ നായർക്ക് അടുത്ത ബന്ധം ഉണ്ടായിരുന്നുവെന്നു. അദ്ദേഹം പിതൃതുല്യനാണെന്നും, സന്ദർശനത്തെ എങ്ങനെ വേണമെങ്കിലും വ്യാഖ്യാനിക്കാമെന്നും ഉമ തോമസ് മാധ്യമങ്ങളോട് പറഞ്ഞു. രാവിലെ എൻ.എസ്.എസ് ആസ്ഥാനത്ത് എത്തിയ ഉമ ഒരു മണിക്കൂറോളം ഇവിടെ ചിലവഴിക്കുകയും ചെയ്തു.