കോട്ടയം : കോട്ടയം പാക്കിൽ കാരമൂട്ടിൽ കല്യാണവീട്ടിൽ കൂട്ടത്തല്ല്. ആലപ്പുഴ സ്വദേശിയുടെ ചെവി കടിച്ചു മുറിച്ചു. ആലപ്പുഴ പാണാവള്ളി ചിറ സനാദനപുരം കുറവൻ കുളം വീട്ടിൽ ചാക്കോ വി (43) യ്ക്ക് നേരെയാണ് ആക്രമണം ഉണ്ടായത്. ഇയാളുടെ ബന്ധുവീട്ടിൽ വിവാഹ ചടങ്ങിന് എത്തിയതായിരുന്നു ചാക്കോ.
Advertisements
മുൻപ് കുടുംബത്തിൽ ഉണ്ടായ ചെറിയ അഭിപ്രായ ഭിന്നതകൾ വഴക്കിൽ കലാശിക്കുകയായിരുന്നു. കോട്ടയം പാക്കിലെ ബന്ധുവിന്റെ കല്യാണ വീട്ടിൽ എത്തിയ ചാക്കോയെ വീട്ടിലെത്തിയ മറ്റൊരാൾ അക്രമിക്കുകയായിരുന്നു. ഇയാൾ ചാക്കോയുടെ വലത് ചെവി കടിച്ചു മുറിച്ചതോടെ വീട്ടിൽ സംഘർഷാന്തരീക്ഷമുണ്ടാവുകയായിരുന്നു. ഇതോടെ കല്യാണ വീട്ടിൽ കൂട്ടത്തല്ലായി. പരിക്കേറ്റ ചാക്കോയെ കോട്ടയം ജില്ലാ ജനറൽ ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.