കോട്ടയം: കോട്ടയം നഗരത്തിന്റെ ആകാശത്ത് ആശങ്ക വിതച്ച് വട്ടമിട്ടു പറന്ന് വിമാനം. കഴിഞ്ഞ അരമണിക്കൂറോളമായി നാലു തവണയാണ് വിമാനം ആകാശത്ത് വട്ടമിട്ടു പറന്നത്. യാത്രാ വിമാനം എന്നു തോന്നിപ്പിക്കുന്ന വിമാനമാണ് പതിവിലും ഏറെ താഴ്ന്ന് വൻ ശബ്ദത്തോടെ പറന്നത്. വിമാനം താഴ്ന്നു പറക്കുന്നത് കണ്ട് പലരും ആശങ്കയോടെ മാധ്യമ സ്ഥാപനങ്ങളിലും , അഗ്നിരക്ഷാ സേനാ പൊലീസ് സ്റ്റേഷനുകളിലും ബന്ധപ്പെട്ടു. എന്നാൽ, ആർക്കും കൃത്യമായ വിവരം നൽകാൻ സാധിച്ചില്ല. വിമാനം താഴ്ന്നു പറക്കുന്നതിന്റെ കാരണം കണ്ടെത്താൻ ശ്രമിച്ചെങ്കിലും കൃത്യമായ വിവരം ആർക്കും നൽകാൻ സാധിച്ചില്ല.
ഇതേ തുടർന്നു ജാഗ്രതാ ന്യൂസ് ലൈവ് സംഘം വിമാനതാവള അധികൃതരെ ബന്ധപ്പെട്ടെങ്കിലും ഔദ്യോഗികമായി പ്രതികരിക്കാൻ തയ്യാറായിട്ടില്ല. ഇതേ തുടർന്നു നടത്തിയ അന്വേഷണത്തിൽ കാലാവസ്ഥാ പ്രശ്‌നത്തെ തുടർന്നു വിമാനം ലാൻഡിംങിനു സാധിക്കാതെ വന്നതോടെ ആകാശത്ത് പറക്കാൻ നിർദേശിച്ചതായാണ് സൂചന. എന്നാൽ, ഇതു സംബന്ധിച്ചു വ്യക്തത വരാത്തതിനാൽ വിമാനം പറക്കുന്നതു സംബന്ധിച്ചു നിരവധി കഥകാണ് ഇപ്പോൾ കോട്ടയത്ത് പ്രചരിക്കുന്നത്.
