കോട്ടയം: എം.സി റോഡിൽ കോട്ടയം മറിയപ്പള്ളിയിൽ നിയന്ത്രണം നഷ്ടമായ കാർ റോഡരികിലെ വൈദ്യുത പോസ്റ്റിൽ ഇടിച്ചു നിന്നു. ചങ്ങനാശേരി ഭാഗത്തു നിന്നും എത്തിയ കാറാണ് റോഡരികിലെ വൈദ്യുത പോസ്റ്റ് ഇടിച്ച് തകർത്തത്. അപകടത്തെ തുടർന്നു പോസ്റ്റ് ഒടിഞ്ഞതോടെ പ്രദേശത്ത് വൈദ്യുതി വിതരണവും തടസപ്പെട്ടിട്ടുണ്ട്. ബുധനാഴ്ച ഉച്ചയ്ക്ക് മൂന്നു മണിയോടെയായിരുന്നു അപകടം. ചങ്ങനാശേരി ഭാഗത്തു നിന്നും എത്തിയ കാർ റോഡിൽ നിന്നും തെന്നി മാറി റോഡരികിലെ വൈദ്യുത പോസ്റ്റിൽ ഇടിക്കുകയായിരുന്നു. മറിയപ്പള്ളി ക്ഷേത്രത്തിനു സമീപത്തെ റോഡരികിലെ വൈദ്യുത പോസ്റ്റിൽ ഇടിച്ചാണ് കാർ നിന്നത്. അപകടത്തിൽ യാത്രക്കാർക്ക് ആർക്കും പരിക്കേറ്റിട്ടില്ല. വിവരം അറിഞ്ഞ് പൊലീസ് സംഘം സ്ഥലത്ത് എത്തി.
Advertisements
