ചിങ്ങവനം : ഓട്ടോ ഡ്രൈവർ കുത്തിക്കൊലപ്പെടുത്താൻ ശ്രമിച്ച കേസിൽ പ്രതിയായ യുവാവിനെതിരെ ലുക്ക് ഔട്ട് നോട്ടീസ് പുറപ്പെടുവിച്ച പോലീസ്. നിരവധി കേസുകളിലെ പ്രതിയായ ചങ്ങനാശ്ശേരി മാടപ്പള്ളി മാമൂട് ഭാഗത്ത് പേഴത്തോളില്‍ വീട്ടിൽ രാമകൃഷ്ണൻ മകന്‍ രാഹുല്‍ എന്ന് വിളിക്കുന്ന കൃഷ്ണകുമാറി(24) നെതിരെയാണ് ജില്ലാ പോലീസ് നോട്ടീസ് പുറപ്പെടുവിച്ചത്.
ഓട്ടോ ഡ്രൈവറെ കുത്തിക്കൊലപ്പെടുത്താൻ ശ്രമിച്ച കേസിൽ ചിങ്ങവനം പോലീസ് സ്റ്റേഷനിൽ രജിസ്റ്റർ ചെയ്ത കേസിലും വീട്ടിൽ ബോംബെറിഞ്ഞ കേസിൽ കടത്തുരുത്തി സ്റ്റേഷനിൽ രജിസ്റ്റർ ചെയ്ത കേസിലും പ്രതിയാണ്. സംഭവത്തിന് ശേഷം ഇയാൾ ഒളിവിലാണ്.ഇയാള്‍ ഒരു സ്ഥലത്ത് സ്ഥിരമായി താമസിക്കുകയോ ഇയാള്‍ക്ക് സ്ഥിരമായ ഒരു തൊഴിലോ ഇല്ല. കൂടാതെ ഇയാൾ കഞ്ചാവ് മാഫിയയുമായി നിരന്തരം ബന്ധം പുലർത്തുന്ന വ്യക്തിയുമാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പ്രതി വ്യാജ പേരും മേല്‍വിലാസവും ഉണ്ടാക്കി പല സ്ഥലങ്ങളിലും താമസിക്കുവാൻ സാധ്യതയുള്ളതും തുടര്‍ന്നും കുറ്റകൃത്യങ്ങളില്‍ ഏര്‍പ്പടാന്‍ സാധ്യതയുള്ള ആളുമാണ്. ഇയാൾക്കെതിരെ ചങ്ങനാശ്ശേരി കോടതി വാറണ്ട് പുറപ്പെടുവിച്ചിട്ടുള്ളതാണ്. കൃഷ്ണകുമാറിനെക്കുറിച്ച് എന്തെങ്കിലും വിവരം ലഭിച്ചാൽ ഈ നമ്പറിൽ അറിയിക്കുക.
ഡി.വൈ.എസ്.പി. ചങ്ങനാശ്ശേരി 9497 990 263
എസ്.എച്ച്.ഓ. ചിങ്ങവനം 9497 947 162
എസ്.ഐ. ചിങ്ങവനം 9497 980 314
ചിങ്ങവനം പോലീസ് സ്റ്റേഷന്‍ 0481 2430 587
