ഹൈദരാബാദ്: നിർണ്ണായകമായ മൂന്നാം ട്വന്റി 20 മത്സരത്തിൽ ഓസ്‌ട്രേലിയയെ നേരിടുന്ന ഇന്ത്യയ്ക്ക് ടോസ്. ടോസ് നേടിയ ഇന്ത്യ ബൗളിംങ് തിരഞ്ഞെടുത്തു. നിർണ്ണായകമായ മത്സരത്തിൽ വിജയിക്കാനായാൽ ഇന്ത്യയ്ക്ക് ടൂർണമെന്റ് സ്വന്തമാക്കാൻ സാധിക്കും. കഴിഞ്ഞ രണ്ടു മത്സരങ്ങളിൽ ഒന്നു വീതം വിജയം നേടിയ രണ്ടു ടീമുകളും ഒപ്പത്തിനൊപ്പം നിൽക്കുകയാണ്. കഴിഞ്ഞ മത്സരത്തിൽ നിന്നു വ്യത്യസ്തമായി ഋഷഭ് പന്തിനെ ടീമിൽ നിന്ന് ഒഴിവാക്കിയിട്ടുണ്ട്. പന്തിനു പകരം ദിനേശ് കാർത്തിക്കാണ് ഇന്ത്യയുടെ വിക്കറ്റ് കീപ്പർ. ബുംറയും, ഭുവനേശ്വറും ഒന്നിച്ച പേസ് നിരയ്ക്കു വേണ്ടി ഹർഷൽ പട്ടേലും എത്തിയിട്ടുണ്ട്. ചഹലും അക്‌സർ പട്ടേലുമാണ് ഇന്ത്യയുടെ സ്പിൻനിരയെ കൈകാര്യം ചെയ്യുന്നത്.
Advertisements
