കോട്ടയം: ഹർത്താൽ ദിനത്തിൽ ലോട്ടറിക്കട അടിച്ചുതകർത്തകേസിൽ മൂന്നുപേരെ പോലീസ് അറസ്റ്റ് ചെയ്തു. പെരുമ്പായിക്കാട് മുണ്ടകം ഭാഗത്ത് മുണ്ടകത്തിൽ വീട്ടിൽതാമസിക്കുന്ന ഷാഹുൽ ഹമീദ് മകൻ ഷൈജു ഹമീദ് (44),പെരുമ്പായിക്കാട് മുണ്ടകം ഭാഗത്ത് മുണ്ടകമറ്റത്തിൽ വീട്ടിൽ റസാഖ് മകൻ ഷെഫീക്ക് റസാക്ക് (39), പെരുമ്പായിക്കാട് പള്ളിപ്പുറം ഭാഗത്ത് കുമ്പളത്തിച്ചിറയിൽ വീട്ടിൽ ഷാഹുൽഹമീദ് മകൻ ഷാനവാസ് വി എസ് (39) എന്നിവരെയാണ് ഗാന്ധിനഗർ പോലീസ് അറസ്റ്റുചെയ്തത്. ഇവർ ഹർത്താൽ ദിനത്തിൽ സംക്രാന്തി ഭാഗത്തെ പത്മാവതി ലോട്ടറിക്കട തുറന്നു പ്രവർത്തിച്ചതിലുള്ള വിരോധംമൂലം കട അടിച്ചു തകർക്കുകയായിരുന്നു. പരാതിയെ തുടർന്ന് ഗാന്ധിനഗർ പോലീസ് കേസ് രജിസ്റ്റർ ചെയ്യുകയും പ്രതികളെ പിടികൂടുകയുമായിരുന്നു. ഇവരെ കോടതിയിൽ ഹാജരാക്കി.
Advertisements
