ചങ്ങനാശേരി: ചങ്ങനാശേരി പൂവത്തെ ദൃശ്യം മോഡൽ കൊലപാതകത്തിൽ പ്രതി മുത്തുകുമാർ പിടിയിലായതായി സൂചന. ആലപ്പുഴ പൊലീസ് സംഘമാണ് മുത്തുകുമാറിനെ കസ്റ്റഡിയിൽ എടുത്തതെന്നാണ് സൂചന ലഭിക്കുന്നത്. ആലപ്പുഴ സ്വദേശിയായ ബിന്ദുകുമാറിനെ ഇയാൾ കൊലപ്പെടുത്തി ചങ്ങനാശേരി പൂവത്തെ വീടിന്റെ അടുക്കള ഭാഗത്ത് കുഴിച്ചിടുകയായിരുന്നു എന്നാണ് കേസ്. കഴിഞ്ഞ 26 നാണ് ബിന്ദുകുമാറിനെ കാണാതായത്. ഇതേ തുടർന്നു പൊലീസ് നടത്തിയ അന്വേഷണത്തിലാണ് ഇയാളുടെ മൃതദേഹം കണ്ടെത്തിയത്. ബിന്ദുകുമാറിന്റെ സ്‌കൂട്ടർ വാകത്താനം ഭാഗത്ത് നിന്നു കണ്ടെത്തിയിരുന്നു. ഇതേ തുടർന്ന് നടത്തിയ അന്വേഷണത്തിലാണ് മൃതദേഹം വീടിനു അടിയിൽ കുഴിച്ചിട്ട നിലയിൽ കണ്ടെത്തിയത്.
Advertisements
