കോട്ടയം : ചിങ്ങവനത്ത് സഹോദരനെ ആക്രമിച്ച കേസിൽ ജേഷ്ഠനെ പോലീസ് അറസ്റ്റ് ചെയ്തു. കുറിച്ചി മാത്തൻകുന്ന് കോളനിയിൽ വീട്ടുനമ്പർ 34 ൽ ശശി മകൻ സന്തോഷ് (38) എന്നയാളെയാണ് ചിങ്ങവനം പോലീസ് അറസ്റ്റ് ചെയ്തത്. ഇയാൾ കഴിഞ്ഞദിവസം തന്റെ സഹോദരനായ രതീഷിനെ വീട്ടിൽ വച്ച് ആക്രമിക്കുകയായിരുന്നു. ഇവർ തമ്മിൽ കുടുംബപരമായ പ്രശ്നങ്ങളെ തുടർന്ന് വാക്കുതർക്കം ഉണ്ടാവുകയും തുടർന്ന് സന്തോഷ് രതീഷിനെ അടുക്കളയില്‍ ഇരുന്ന വിരകുകൊണ്ട് ആക്രമിക്കുകയായിരുന്നു.
Advertisements
പരാതിയെ തുടർന്ന് ചിങ്ങവനം പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു. ചിങ്ങവനം സ്റ്റേഷൻ എസ്.എച്ച്.ഓ ജിജു.ടി. ആര്‍, സി,പി,ഓ മാരായ സതീഷ്‌ എസ്,സലമോന്‍, മണികണ്ഠൻ, പ്രകാശ് കെ.വി എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.