കോട്ടയം: നഗരമധ്യത്തിൽ ശാസ്ത്രി റോഡിൽ വാഹനാപകടം. നിയന്ത്രണം നഷ്ടമായ കാർ, മരത്തിൽ ഇടിച്ച ശേഷം റോഡരികിലെ വൈദ്യുതി പോസ്റ്റിൽ ഇടിച്ചു. അപകടത്തെ തുടർന്നു ശാസ്ത്രി റോഡിൽ വൈദ്യുതി ബന്ധം തടസപ്പെട്ടു. വ്യാഴാഴ്ച രാത്രി 09.45 നായിരുന്നു അപകടം. കോട്ടയം ലോഗോസ് ജംഗ്ഷൻ ഭാഗത്തു നിന്നും എത്തിയതായിരുന്നു കാർ. ബെന്നീസ് ഇൻ ലോഡ്ജ് ഭാഗത്തു വച്ച് നിയന്ത്രണം നഷ്ടമായ കാർ മരത്തിൽ ഇടിച്ച ശേഷം വൈദ്യുതി പോസ്റ്റിൽ ഇടിക്കുകയായിരുന്നു. അപകടത്തെ തുടർന്ന് വൈദ്യുതി പോസ്റ്റ് ഒടിഞ്ഞു പ്രദേശത്തെ വൈദ്യുതി ബന്ധം തടസപ്പെട്ടിട്ടുണ്ട്. റോഡരികിലെ കുഴിയിലേയ്ക്കു കാർ പതിക്കാതിരുന്നതിനാൽ വൻ ദുരന്തം ഒഴിവായി.
Advertisements
