പാലാ : പൊതുവഴിയിൽ വീട്ടമ്മയ്ക്ക് നേരെ അക്രമിച്ചതിന് രണ്ടുപേരെ പോലീസ് അറസ്റ്റ് ചെയ്തു, ളാലം വില്ലേജ് പരുമലക്കുന്ന് കോളനി ഭാഗത്ത് പരുമല വീട്ടിൽ ജോർജ്ജ് മകൻ ജോജോ ജോർജ്ജ്(27), വള്ളിച്ചിറ വില്ലേജ് കൊച്ചുപറമ്പിൽ വീട്ടിൽ ജോൺ മകൻ തോമസ് ജോൺ(റോയി-43) എന്നിവരെയാണ് പാലാ പോലീസ് അറസ്റ്റ് ചെയ്തത്.
28ന് വീട്ടമ്മ വാടകയ്ക്ക് താമസിക്കുന്ന വീടിന് അടുത്തുള്ള പൊതുവഴിയിൽ വീട്ടമ്മയുമായി പ്രതികൾ വാക്കുതർക്കത്തിൽ ഏർപ്പെടുകയും തുടർന്ന് വീട്ടമ്മയെ അസഭ്യവാക്കുകൾ പറഞ്ഞ് അപമാനിക്കുകയും, പിടിച്ചു തള്ളുകയും ചെയ്യുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സംഭവത്തിൽ പാലാ പോലീസ് കേസ്സ് രജിസ്റ്റർ ചെയ്യുകയും, ജില്ലാ പോലീസ് മേധാവി കെ. കാർത്തിക്കിന്റെ നേതൃത്വത്തിലുള്ള അന്വേഷണസംഘം ഇവരെ പിടികൂടുകയുമായിരുന്നു . പാല പോലീസ് സ്റ്റേഷൻ എസ് എച്ച് ഓ ടോംസൺ കെ പി, സബ്ബ് ഇൻസ്പെക്ടർ അഭിലാഷ്, സിവിൽ പോലീസ് ഓഫിസർമാരായ ജോഷി, ജോസ് എന്നിവരും പോലീസ് സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കി.
