കോട്ടയം: ചിങ്ങവനം ഗോമതിക്കവലയിലെ ഡിവൈഡർ അപകടക്കെണിയാകുന്നു. ഡിവൈഡറിന്റെ ദിശ അറിയാതെ എത്തിയ ബൈക്ക് നിയന്ത്രണം നഷ്ടമായി ഡിവൈഡറിൽ ഇടിച്ചു കയറുകയായിരുന്നു. അപകടത്തിൽ പരിക്കേറ്റ ബൈക്ക് യാത്രക്കാരനെ പൊലീസ് എത്തി, ആംബുലൻസിൽ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
Advertisements
ശനിയാഴ്ച രാത്രിയിലായിരുന്നു സംഭവം. കോട്ടയം ഭാഗത്തു നിന്നും എത്തിയ ബൈക്ക് യാത്രക്കാരനാണ് അപകടത്തിൽപ്പെട്ടത്. ഗോമതിക്കവലയിൽ വെളിച്ചമില്ലായിരുന്നു. കോട്ടയം ഭാഗത്തു നിന്നും എത്തിയ ബൈക്ക് യാത്രക്കാരന് ഡിവൈഡർ കാണാനായില്ലെന്നാണ് കരുതുന്നത്. ഇദ്ദേഹം എത്തി ഡിവൈഡരിൽ ഇടിച്ച് മറിയുകയായിരുന്നു. അപകടത്തിൽ ഇദ്ദേഹത്തിന് സാരമായി പരിക്കേൽക്കുകയും ചെയ്തിട്ടുണ്ട്. ഇവിടെ വെളിച്ചമില്ലാത്തതിനാൽ അപകട ഭീഷണി പതിവാകുന്നതായും നാട്ടുകാർ പറയുന്നു.
