കോട്ടയം: ആളു ചത്താലും വേണ്ടില്ല കോട്ടയം കെഎസ്ആർടിസി ബസ് സ്റ്റാൻഡിന് സമീപത്തെ ഊട്ടുപുര ഹോട്ടൽ ആകാശം മുട്ടെ വളരണമെന്ന് കോട്ടയം നഗരസഭയുടെ മനസ്. ഹോട്ടലിന്റെ അന്തരീക്ഷകവും, മാലിന്യം പുറത്തേയ്ക്കു തള്ളുന്നതും, മോശം ഭക്ഷണവും, ഗുണ്ടനിലവാരവും അടക്കം പുറത്ത് വന്ന് പഴിയേറെ കേട്ടിട്ടും അന്തസും അഭിമാനവുമില്ലാതെ പ്രവർത്തിക്കുന്ന ഊട്ടുപുര ഒടുവിൽ വാർത്തയിൽ നിറയുന്നത് പൂച്ച പ്ലേറ്റ് നക്കുന്ന വീഡിയോ പുറത്ത് വന്നതോടെയാണ്.
ഊട്ടുപുര ഹോട്ടലിന്റെ പ്ലേറ്റ് വയ്ക്കുന്ന റാക്കിൽ കയറിയിരിക്കുന്ന പൂച്ച, പ്ലേറ്റ് ഓറോന്നായി നക്കുന്ന വീഡിയോയാണ് കഴിഞ്ഞ ദിവസം സോഷ്യൽ മീഡിയയിൽ വൈറലായി മാറിയത്. പൂച്ചകയറിയിറങ്ങി ഈ പ്ലേറ്റ് മുഴുവൻ നക്കുന്ന വീഡിയോ പുറത്ത് വന്നിട്ടും കോട്ടയം നഗരസഭയിലെ ആരോഗ്യ വിഭാഗത്തിന് പക്ഷേ, മിണ്ടാട്ടമില്ല. പൂച്ചയുടെ വീഡിയോ പുറത്ത് വന്ന ദിവസം മുതൽ നഗരത്തിലെ പലമാധ്യമങ്ങളിൽ നിന്നും ആരോഗ്യ വിഭാഗത്തെ ബന്ധപ്പെട്ടിരുന്നു. നഗരസഭ ആരോഗ്യ വിഭാഗമോ, ഭക്ഷ്യസുരക്ഷാ വിഭാഗമോ ഈ ഹോട്ടലിൽ പരിശോധന നടത്താൻ തയ്യാറാകുന്നതേയില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതിനെതിരെ ട്രോൾ കോട്ടയം എന്ന സോഷ്യൽ മീഡിയ ഗ്രൂപ്പാണ് ആദ്യം രംഗത്ത് എത്തിയത്. എന്നാൽ, ഈ ഗ്രൂപ്പിലെ ട്രോളുകൾ വൈറലാകുകയും ജാഗ്രതാ ന്യൂസ് ലൈവ് വാർത്ത നൽകുകയും ചെയ്ത് വിഷയം ജനങ്ങൾ ഏറ്റെടുത്തിട്ട് പോലും നഗരസഭ നിസംഗഭാവമാണ് പുലർത്തിയത്. ഇതുവരെയും ഊട്ടുപുരയിൽ പരിശോധന നടത്താൻ പോലും നഗരസഭ ആരോഗ്യ വിഭാഗമോ, ഭക്ഷ്യസുരക്ഷാ വിഭാഗമോ തയ്യാറായിട്ടില്ല.
