വൈക്കം : വാഹനാപകടത്തില്‍ പരിക്കേറ്റ് ആശുപത്രിയില്‍ ചികിത്സയിലായിരുന്ന യുവാവ് മരിച്ചു. കടുത്തുരുത്തി മമ്പള്ളില്‍ പരേതനായ തോമസിന്റെ മകന്‍ ബെനറ്റ് (37) ആണ് മരിച്ചത്. ചൊവ്വാഴ്ച്ച രാവിലെ പതിനൊന്നോടെ തലയോലപ്പറമ്പ് വെട്ടിക്കാട്ടുമുക്കിന് സമീപം ഓടിച്ചിരുന്ന ആക്ടീവ സ്‌കൂട്ടര്‍ നിയന്ത്രണം വിട്ട് മറിഞ്ഞ് കാറിലിടിച്ചാണ് ബെന്നറ്റ് അപകടത്തില്‍പെട്ടത്. തലയ്ക്കു സാരമായി പരിക്കേറ്റ ബെന്നറ്റ് ചേര്‍പ്പുങ്കല്‍ മാര്‍ സ്ലീവാ മെഡിസിറ്റിയില്‍ ചികിത്സയിലിരിക്കെ ഇന്നലെ രാവിലെ പത്തോടെ മരിച്ചു. സംസ്‌ക്കാരം ഇന്ന് (ഞായര്‍) രാവിലെ 11ന് കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍. മാതാവ് – റോസമ്മ. ഭാര്യ – ജിലു വെളിച്ചിയാനി പതിപ്പള്ളി കുടുംബാഗം (സാന്റാ മോണിക്ക, പാല). മകള്‍ – ഇമിയ റോസ്.
Advertisements
