കോട്ടയം : എംസി റോഡിൽ കോട്ടയം നാഗമ്പടത്ത് ടിപ്പർ ലോറി ബൈക്കിൽ ഇടിച്ച് യുവാവിന് പരിക്ക്. ഗുരുതരമായി പരിക്കേറ്റ അയ്മനം സ്വദേശിയായ യുവാവിനെ കോട്ടയം മെഡിക്കൽ കോളേജ് ആശുപത്രി അത്യാഹിത വിഭാഗത്തിൽ പ്രവേശിപ്പിച്ചു. ശനിയാഴ്ച വൈകിട്ട് മൂന്നരയോടെ കോട്ടയം നാഗമ്പടം മഹാദേവക്ഷേത്രത്തിന്റെ കമാനത്തിന് എതിർവശത്തായാണ് അപകടമുണ്ടായത്. അയ്മനം ശങ്കരമംഗലം സുദീപ് പി.എ (39) യെ ആണ് പരിക്കുകളോടെ കോട്ടയം മെഡിക്കൽ കോളേജ് ആശുപത്രി അത്യാഹിത വിഭാഗത്തിൽ പ്രവേശിപ്പിച്ചത്.
നാഗമ്പടം ക്ഷേത്ര കവാടത്തിന് എതിർവശത്തുള്ള റോഡിലൂടെ സുദീപ് സഞ്ചരിച്ച ബൈക്ക് എംസി റോഡിലേക്ക് പ്രവേശിക്കുകയായിരുന്നു. ഇതിനിടെ നാഗമ്പടം ഭാഗത്ത് നിന്നും സംക്രാന്തി ഭാഗത്തേക്ക് പോവുകയായിരുന്നു ലോറി സുദീപ് സഞ്ചരിച്ച ബൈക്കിൽ ഇടിച്ചു. റോഡിൽ മുഖമടിച്ചു വീണാണ് സുദീപിന് പരിക്കേറ്റത്. ഉടൻതന്നെ നാട്ടുകാർ ചേർന്ന് സുദീപിനെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചു. ഇയാളുടെ പരിക്ക് ഗുരുതരമാണെന്നാണ് ആശുപത്രി അധികൃതർ നൽകുന്ന സൂചന. അപകടത്തിൽപ്പെട്ട ലോറി ഗാന്ധിനഗർ പൊലീസ് കസ്റ്റഡിയിലെടുത്തു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മുൻപ് സമാനരീതിയിൽ നിരവധി അപകടങ്ങൾ ഉണ്ടായ ചെമ്പരത്തിമൂട് വളവിന് സമീപമാണ് ഇന്നും അപകടമുണ്ടായത്.
