കോട്ടയം: ഏറ്റുമാനൂർ പാറോലിക്കലിൽ ബൈക്കും ട്രാവലറും കൂട്ടിയിടിച്ച് യുവാവിന് ഗുരുതര പരിക്ക്. കുമരകം സ്വദേശിയായ വളപ്പിൽ ലക്ഷം വീട്ടിൽ പെരിഞ്ചേരിക്കൽ വീട്ടിൽ ഷൈനി (24) നാണ് പരിക്കേറ്റത്. വെള്ളിയാഴ്ച രാത്രി പത്തു മണിയോടെ ഏറ്റുമാനൂർ പാറോലിക്കലിലായിരുന്നു അപകടം. കോട്ടയം ഭാഗത്തേയ്ക്കു പോകുകയായിരുന്ന ബൈക്കിൽ എതിർദിശയിൽ നിന്നും എത്തിയ ടെമ്പോ ട്രാവലർ ഇടിച്ചു കയറുകയായിരുന്നു. ഇടിയുടെ ആഘാതത്തിൽ യുവാവ് റോഡിൽ തലയിടിച്ചാണ് വീണതെന്നു നാട്ടുകാർ പറഞ്ഞു. വീഴ്ചയുടെ ആഘാതത്തിൽ ബോധരഹിതനായി റോഡിൽ കിടന്ന യുവാവിനെ നാട്ടുകാർ ചേർന്നാണ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചത്. ഇദ്ദേഹത്തിന്റെ പരിക്ക് ഗുരുതരമാണെന്നാണ് പൊലീസ് നൽകുന്ന വിവരം.
Advertisements
